టాలీవుడ్ లో ఛాన్స్ ఉంటే బావుండు..

సినిమా ఇండస్ట్రీలో అతి తక్కువ కాలంలో భారీ డిజాస్టర్స్ ని బారి విజయాల్ని అందుకున్న హీరోయిన్స్ లలో రకుల్ ప్రీత్ ఒకరు. అమ్మడికి కొన్ని సినిమాలతోనే రెండు టెస్ట్ లు ఎలా ఉంటాయో భాగానే తెలుసు. అదే విధంగా అలవాటు కూడా చేసుకుంది. ఎప్పుడు ఎలా ఉండాలి అనే ఫార్ములా రకుల్ కి బాగా తెలుసు. అందుకే టాలీవుడ్ లో ఒక్క ఆఫర్ లేకపోయినప్పటికీ ఏ మాత్రం నిరాశ చెందడం లేదు.

రెండు మూడు సినిమాల్లో అనుకుంటున్నారు అనే వార్తలు తప్ప అధికారికంగా అమ్మడు సైన్ చేసిన సినిమాలు లేవు. అయితే ప్రస్తుతం ఆమె చూపు మొత్తం బాలీవుడ్ అయ్యారి సినిమాపైనే ఉంది. ఆ సినిమా మరికొన్ని రోజుల్లో ప్రేక్షకుల ముందుకు రానుంది. ఇప్పటికే ప్రమోషన్స్ ల మీద ప్రమోషన్స్ చేసేస్తోంది. సినిమా రిలీజ్ వరకు ఆమెకి నిద్ర పట్టేలా లేదని సోషల్ మీడియాలో కామెంట్స్ కూడా వినిపిస్తున్నాయి. ఆ సినిమాపై కూడా అంచనాలు బాగానే ఉన్నాయి.

రకుల్ చేతిలో ఈ సినిమా కాకుండా కోలీవుడ్ లో సూర్య సరసన నటించడానికి ఒకే చెప్పింది. బాలీవుడ్ - కోలీవుడ్ లో అయితే హిట్టు కొట్టడం కాయమని తెలుస్తోంది. అయితే ఈ టైమ్ లో ఒక టాలీవుడ్ సినిమా కూడా ఉంటే బావుండు అని అందరు అనుకుంటున్నారు. రకుల్ కూడా చేద్దామనే ఆలోచనతోనే ఉంది. కానీ స్పైడర్ ఎఫెక్ట్ వల్ల రకుల్ కి అవకాశాలపై దెబ్బ పడింది. మరి బాలీవుడ్ లో హిట్టు కొట్టి మళ్లీ రకుల్ టీ టౌన్ లో అవకాశం అందుకుంటుందో లేదో చూడాలి.