రౌడీపై మ‌న‌సు ప‌డింద‌ట అమ్మ‌డు!

టాలీవుడ్ స్టార్ల గుట్టు లాగేస్తూ మంచు ల‌క్ష్మి చేస్తున్న విన్యాసాలు అన్నీ ఇన్నీ కావు. ఫీట్ అప్ విత్ స్టార్స్ కార్య‌క్ర‌మంతో మ‌న స్టారాధిస్టార్ల ప‌డ‌క‌గ‌ది ర‌హ‌స్యాల‌తో పాటు ర‌క‌ర‌కాల సీక్రెట్స్ ని బ‌య‌ట పెట్టేసేలా చేస్తోంది ట్యాలెంటెడ్ ల‌క్ష్మీ. అడ‌గాల్సిన‌వ‌న్నీ నిర్మొహ‌మాటంగా అడిగేస్తుంటే ఎలాంటి మొహ‌మాటం లేకుండా అన్నీ ఓపెన్ చేసేస్తున్నారు స్టార్లు.

స‌మంత‌- కాజ‌ల్- వ‌రుణ్ తేజ్ ఇప్ప‌టికే ఈ షోకి వ‌చ్చారు. బెడ్ టైమ్ సంగ‌తుల్ని పంచుకున్నారు. త‌మ ఫేవ‌రెట్ల ప‌డ‌క‌గ‌దిలో అన్ని ర‌హ‌స్యాలున్నాయా అంటూ అభిమానులే అవాక్క‌య్యారు. చైత‌న్య తో ప‌డ‌క‌గ‌ది అనుభ‌వాన్ని పంచుకున్న స‌మంత పెద్ద షాక్ నే ఇచ్చింది. ఇక వీళ్లంద‌రి కంటే అందాల ర‌కుల్ ప్రీత్ సింగ్ మంచు ల‌క్ష్మీ టాక్ షోలో చాలానే ర‌హస్యాల్ని ఓపెన్ చేసింది.

అస‌లు టాలీవుడ్ హీరోల్లో ఎవ‌రిపై నీకు క్ర‌ష్ ఉంది? అని అడిగేస్తే... ఏమాత్రం తడుముకోకుండా రౌడీ విజ‌య్ దేవ‌ర‌కొండ‌పై త‌న‌కు క్ర‌ష్ ఉంద‌ని తెలిపింది. మొత్తానికి స‌క్సెస్ తో జోరుమీద ఉన్న రౌడీ ఇటు తెలుగు ప‌రిశ్ర‌మ‌తో పాటు ఇరుగు పొరుగు ప‌రిశ్ర‌మ‌ల్లోనూ హాట్ టాపిక్ గా మారుతున్నాడు. అంత‌కంత‌కు క్రేజును పెంచుకుంటున్నాడు. అందుకే భామ‌లంతా ఇలా క్ర‌ష్ ఉందంటూ వెంట‌ప‌డుతున్నార‌ని అర్థ‌మ‌వుతోంది. ఇప్ప‌టికే జాన్వీ-కియరా అద్వాణీ- నిధి అగ‌ర్వాల్- ఎయిర్ టెల్ బ్యూటీ సాషా చెట్రి .. ఈ భామ‌లంతా విజ‌య్ పై క్ర‌ష్ ఉంద‌ని అన్నారు. జాబితాలో ఇప్పుడు పంజాబీ బ్యూటీ ర‌కుల్ పేరు చేరింది. ఇక ఈ కార్య‌క్రమంలోనే ర‌కుల్ త‌న లైఫ్ పార్ట్ న‌ర్ ఎలా ఉండాలి అన్న‌ది వివ‌రించి చెప్పింది.

ర‌కుల్ కెరీర్ ని ప‌రిశీలిస్తే.. ఇటీవ‌లే మ‌న్మ‌ధుడు 2లో న‌టించింది. త‌దుప‌రి క‌మ‌ల్ హాస‌న్ స‌ర‌స‌న భార‌తీయుడు 2లో న‌టిస్తోంది. కాజ‌ల్ ఇందులో ప్ర‌ధాన నాయిక‌. బాలీవుడ్ లో మ‌ర్జావాన్ చిత్రంలోనూ ర‌కుల్ న‌టిస్తోంది. ఇందులో సిద్ధార్థ్ మ‌ల్హోత్రా- రితేష్ దేశ్ ముఖ్ క‌థానాయ‌కులుగా న‌టిస్తున్నారు. తారా సుతారియా క‌థానాయిక‌. న‌ట‌న‌తో పాటు ఒక స్పెష‌ల్ నంబ‌ర్ లోనూ ర‌కుల్ డ్యాన్స్ చేయ‌బోతోందట‌.