ఓవర్ నైట్ లో స్టార్ అయిపోలేదు

రకుల్ ప్రీత్ సింగ్ ని ఇప్పుడు టాలీవుడ్ లో స్టార్ హీరోయిన్ అనడంలో పెద్దగా సందేహాలు అక్కర్లేదు. వరుసగా మూడు బ్లాక్ బస్టర్లు.. రెండు ఇప్పటికే ఈ ఏడాది బిగ్గెస్ట్ హిట్స్ కాగా.. మూడో మూవీ ధృవ కూడా ఆ రూట్ లోనే వెళ్లిపోతోంది. ఇక చేయబోతున్న సినిమాల లిస్ట్ అయితే మరీ క్రేజీ. మహేష్ తో ఓ మూవీ.. నాగచైతన్యతో ఓ సినిమా.. సాయిధరంతేజ్ తో ఇంకో చిత్రం.. కార్తితో ఓ పిక్చర్.. బెల్లంకొండతో ఓ సినిమా.. ఇంకా ఒకట్రెండు పట్టాలెక్కాల్సి ఉంది.

ఇలాంటి రేంజ్ కి చేరుకున్న ఈ బ్యూటీకి రీసెంట్ గా ఓ ప్రశ్న ఎదురైంది. ఓవర్ నైట్ స్టార్ అయిపోయారు కదా ఎలా అనిపిస్తోందని అడిగితే.. అమ్మడు కొంచెం ఫీలయిపోయింది. 'ఈ రేంజ్ కి రావడానికి చాలా కాలమే పట్టిందని అనుకుంటున్నా. నేనేమీ ఓవర్ నైట్ లో స్టార్ అయిపోలేదు. అయినా నేను షూటింగ్ లో ఉన్న వరకే అలా ఉంటా. బయటకొస్తే మామూలు రకుల్ నే' అంటు హంబుల్ గా ఆన్సర్ ఇచ్చింది రకుల్ ప్రీత్.

రకుల్ వాదన కూడా ఒప్పుకోవాల్సిందే. ఎందుకంటే.. 2009లో కన్నడ ఇండస్ట్రీలో మొదలుపెట్టి 2011లో కెరటంతో తెలుగులోకి వచ్చి.. 2013లో వెంకటాద్రి ఎక్స్ ప్రెస్ తో లీడ్ హీరోయిన్ గా మారిన రకుల్ ప్రీత్ సింగ్.. ఆ తర్వాత మూడేళ్లకు ఇప్పుడీ స్టేజ్ కి చేరుకుంది కాబట్టి.. రకుల్ ని ఓవర్ నైట్ స్టార్ అనడం కరెక్ట్ కాదులే.


Like Us on Facebook : https://www.facebook.com/Tupakidotcom/