అనుష్కలా ఆమె చేయలేదట

తెలుగు సినీ తెరపై అనుష్క పోషించిన కొన్ని పాత్రలు ఎప్పటికీ ప్రత్యేకమే. ఒకవైపు గ్లామర్ ఓరియెంటెడ్ పాత్రలు పోషిస్తునే మరోపక్క సినిమా మొత్తాన్ని తన భుజాలపై సత్తాగల పాత్రలు సైతం పోషించి తన స్టామినా నిరువుపించింది. అంతటితో ఆగక తన తోటి హీరోయిన్లకు బెంచ్ మార్క్ సెట్ చేసింది.

కాస్త పేరొచ్చిన ఏ హీరోయిన్నైనా అనుష్క పోషించిన తరహా పాత్రలకు మీరు సిద్ధమేనా అన్న ప్రశ్న తప్పక ఎదురవుతుంది. కాజల్ లాంటి తారలైతే ఇలాంటి పాత్రలకోసం దర్శకులను సైతం సంప్రదించినట్టు సమాచారం. అయితే ఇటీవల ఆనతికాలంలోనే యమపాపులర్ అయిన రకుల్ ప్రీత్ సింగ్ కి సైతం ఇదే ప్రశ్న ఎదురైంది. దానికి రకుల్ విభిన్నంగా సమాధానమివ్వడం గమనార్హం.

పక్కింటి అమ్మాయి పాత్రలకు - మోడరన్ పాత్రలకు నేను సరిగ్గా సరిపోతా. నా వయసు, శరీరాకృతి దానికి సూట్ అవుతాయి. అరుంధతి లాంటి నాయికా ప్రాధాన్యత పాత్రలు నేనిప్పుడు చెయ్యలేను. కొన్ని పాత్రలకు వయసు - హోదా - అనుభవం అవసరం. అనుష్క లాంటి సీనియర్ నటులు మాత్రమే చెయ్యగలరు. నేను చేస్తే కామెడీగా వుంటుందని తెలుపడం విశేషం.

Like Us on Facebook : https://www.facebook.com/Tupakidotcom/