రకుల్ ప్రీత్ ఇంకో బడా ఆఫర్ పట్టేసిందా?

రకుల్ ప్రీత్ సింగ్ జోరు మామూలుగా లేదిప్పుడు. ఇప్పటికే తెలుగులో జూనియర్ ఎన్టీఆర్.. రామ్ చరణ్.. రవితేజ.. లాంటి స్టార్ హీరోలతో సినిమాలు చేసింది రకుల్. ఇప్పుడు ఏకంగా సూపర్ స్టార్ మహేష్ బాబు సరసనే ఛాన్స్ కొట్టేసింది. ఇప్పుడు ఆమె పేరు పవర్ స్టార్ పవన్ కళ్యాణ్ సినిమా కోసం పరిశీలిస్తున్నట్లుగా వార్తలొస్తున్నాయి. ఆర్.టి.నీశన్ దర్శకత్వంలో పవన్ కళ్యాణ్ ఓ సినిమా కమిటైన సంగతి తెలిసిందే. ఎ.ఎం.రత్నం నిర్మించే ఈ సినిమా కోసం ముందు నయనతార పేరును పరిశీలిస్తున్నట్లు వార్తలొచ్చాయి. ఐతే నయనతారకు తెలుగులో వరుసగా ఫ్లాపులు ఎదురవుతుండటం.. ఆమె యాటిట్యూడ్ కూడా ఇబ్బందికరంగా మారుతుండటంతో ఆ ఆలోచనను విరమించుకున్నారు.

ఇక మిగతా స్టార్ హీరోయిన్లు ఎవరితోనూ పవన్ ఇప్పుడు సినిమాలు చేసేందుకు అవకాశం లేదు. శ్రుతి హాసన్‌ తో ‘కాటమరాయుడు’ చేస్తున్నాడు. సమంత సినిమాలే ఒప్పుకోవట్లేదు. కాజల్‌ తో ‘సర్దార్ గబ్బర్ సింగ్’ చేశాడు. తమన్నాకు - పవన్ కు ఇంతకుముందు సరిగా జోడీ కుదరలేదు. అందుకే ఇప్పటిదాకా ఆయనతో నటించని రకుల్ ప్రీత్ పేరును పరిశీలిస్తున్నట్లుగా సమాచారం. ఐతే ప్రస్తుతం రకుల్ ఫుల్ బిజీగా ఉంది. మహేష్ సినిమాతో పాటు సాయిధరమ్ ‘విన్నర్’ కోసం నిర్విరామంగా పని చేస్తోంది. ఆ తర్వాత కూడా కొన్ని కమిట్మెంట్లు ఉన్నాయి. ఐతే మహేష్ సినిమా కోసం వేరే ప్రాజెక్టులు వదులుకున్నట్లు.. పవన్ సినిమా కోసం ఏవైనా త్యాగాలు చేయడానికి కూడా రకుల్ రెడీగా ఉంటుందనడంలో సందేహం లేదు. మరి పవన్-రకుల్ కాంబినేషన్ ఓకే అవుతుందేమో చూద్దాం.

Like Us on Facebook : https://www.facebook.com/Tupakidotcom/