ఈసారి నితిన్‌ని లైన్‌ లో పెట్టింది

ఒక్కో వికెట్‌ గిరాటు వేయడంలో రకూల్‌ ప్రీత ఆరితేరిపోయింది. ఫాస్ట్‌ బౌలర్‌ ని మించి స్పిన్‌ బౌలర్‌ ని కొట్టేసి, గూగ్లీలు వేస్తోంది. అసలు రకూల్‌ ఇస్పీడు చూస్తుంటే ఎక్కడికో ఎదిగిపోతోందనిపిస్తోంది. ఈసారి వికెట్‌ కుర్రహీరో నితిన్‌.

కాస్త డీటెయిల్స్‌ లోకి వెళితే... అనూహ్యంగా స్టార్‌ హీరోయిన్‌ స్టాటస్‌ కి ఎదిగేసిన రకూల్‌ వరుసగా రవితేజ - రామ్‌ చరణ్‌ - ఎన్టీఆర్‌ - బన్ని .. ఇలా స్టార్‌ హీరోల్ని క్యూలో పెట్టేసింది. ప్రస్తుతం చరణ్‌, ఎన్టీఆర్‌ సినిమాలతో బిజీ బిజీగా ఉంది అమ్మడు. ఇంతలోనే రకూల్‌ ఖాతాలోకి నితిన్‌ పేరు కూడా వచ్చి చేరింది. వాస్తవానికి నితిన్‌ తో 'శివం' సినిమాలో నటిస్తోంది అంటూ అప్పట్లో ప్రచారమైంది. రకూల్‌ అడ్వాన్స్‌ కూడా అందుకుంది. కానీ ప్రాజెక్టు ఎందుకో ముందుకెళ్లలేదని అన్నారు.

అయితే ఇప్పుడు అందుకు సన్నాహాలు మొదలయ్యాయి. అఖిల్‌ సినిమా పూర్తి చేసుకుని, నితిన్‌ స్వయగా నటించే సినిమా కోసం సన్నద్ధమవుతున్నాడు. వేణు మల్లిడి వినిపించిన కథతోనే సెట్స్‌ కెళ్లడానికి రెడీ అవుతున్నాడు. ఈ చిత్రంలో రకూల్‌ ని నాయికగా ఎంపిక చేసుకున్నారని టాక్‌ వినిపిస్తోంది. ఆ లెక్కన రకూల్‌ అకౌంట్ లో నితిన్‌ పేరు చేరినట్టే. అధికారికంగా డీటెయిల్స్‌ రావాల్సి ఉందింకా.