గ్రాండ్ రీఎంట్రీ ఇస్తున్న రకుల్

ఇప్పుడు టాలీవుడ్ లో తెగ చెలరేగిపోతున్న భామ రకుల్ ప్రీత్ సింగ్. వరుసగా క్రేజీ ప్రాజెక్టుల్లో చోటు సంపాదించేస్తోంది. ఇప్పుడంటే ఈ భామ కెరీర్ స్పీడ్ గా ఉంది కానీ.. నిజానికి మొదట్లో చాలానే ఇబ్బందులు పడింది. కన్నడలో గిల్లితో ఎంట్రీ ఇచ్చి.. తెలుగులో కెరటంతో ప్రయత్నించి.. తమిళ్ లో తడయ్యార తాక్క- పూతగం మూవీస్ చేసిన తర్వాత.. తెలుగులో వెంకటాద్రి ఎక్స్ ప్రెస్ మూవీతో బ్రేక్ వచ్చింది.

ఆ వెంటనే హిందీలో యారియా అంటూ ఓ మూవీ చేసింది కానీ పెద్దగా ఉపయోగమేమీ లేదు. ఆ తర్వాత వరుసగా తెలుగులో ఆఫర్స్ రావడం.. మంచి ప్రాజెక్టులు అందుకోవడం.. హైద్రాబాద్ కి షిఫ్ట్ అయిపోయి నిర్మాతలకు అందుబాటులో ఉండడం.. అభిమానుల మన్ననలు పొందడం వంటివి.. రకుల్ ను తెలుగులో క్రేజీ హీరోయిన్ చేసేశాయి. అయితే.. ఉత్తరాది భామలకు బాలీవుడ్ అవకాశాలు వస్తే తిరిగి ప్రయత్నించడం మామూలే. ఇప్పుడు క్రేజీ యంగ్ హీరో సిద్ధార్ధ మల్హోత్రాతో చేసే అవకాశం రకుల్ కి వచ్చింది. ఈ కుర్రాడు నటిస్తున్న సిమ్లా మిర్చిలో హీరోయిన్ అవకాశం రకుల్ ప్రీత్ చేతికి వచ్చింది.

ప్రస్తుతం.. మహేష్ తో స్పైడర్.. బెల్లంకొండ శ్రీనివాస్ తో జయ జానకి నాయక చిత్రాల్లో నటిస్తున్న రకుల్.. త్వరలోనే సిమ్లా మిర్చితో బాలీవుడ్ లో గ్రాండ్ రీ ఎంట్రీ ఇవ్వబోతోంది. అయితే.. తన బేస్ మాత్రం హైద్రాబాద్ నుంచి మార్చబోనని అంటోంది రకుల్ ప్రీత్ సింగ్.

Like Us on Facebook : https://www.facebook.com/Tupakidotcom/