మూడు 'ఆర్' లలో.. ఒక్క 'ఆర్' యేనా

ఓ ఏడాది క్రితం టాలీవుడ్ లో హీరోయిన్ల కొరత ఏర్పడుతోందనే ఇండికేషన్స్ వచ్చింది. సీనియర్ భామలందరూ ఫేడవుట్ అయిపోయే సిట్యుయేషన్ కనిపించడంతో.. అప్ కమింగ్ హీరోయిన్స్ పై దృష్టి పెట్టారు. ఆ సమయంలో రకుల్ ప్రీత్ సింగ్.. రెజీనా కసాండ్రా.. రాశి ఖన్నాలు ప్రామిసింగ్ గా కనిపించారు. రాబోయే కాలానికి కాబోయే టాలీవుడ్ స్టార్ హీరోయిన్లు అనే ప్రచారం గట్టిగానే సాగింది.

కానీ ఇప్పుడు పరిస్థితిలో తేడా వచ్చేసింది. మొదట గ్లామర్ రోల్స్ కు దూరంగా ఉన్న రెజీనా.. ఆ తర్వాత వాటికి కూడా సై అని క్లీవేజ్ షోలతో ఆకట్టుకునే ప్రయత్నం చేసింది కానీ.. అంతగా క్లిక్ కాలేదు. నెమ్మదిగా ఆఫర్స్ తగ్గిపోగా.. ప్రస్తుతం కృష్ణవంశీతో చేస్తున్న నక్షత్రం ఒక్కటే ఆమె చేతిలో ఉన్న మూవీ. తమిళం సినిమాలు వరుసగా ఒప్పేసుకుంటూ వారానికో హీరోయిన్ వచ్చే టాలీవుడ్ లో.. హీరోయిన్లను తెలుగు ఆడియన్స్ గుర్తు పెట్టుకోరంటూ ఘాటు కామెంట్స్ నే చేసింది.

రాశి ఖన్నా కెరీర్ లో హిట్స్ ఉన్నా కానీ.. ఈమె కెరీర్ కూడా గొప్పగా ఏం లేదు. గోపీచంద్ ఆక్సిజన్ తప్పితే చేతిలో సినిమా లేదు. రవితేజ మూవీ స్టార్ట్ అయితే హీరోయిన్ ఛాన్స్ వస్తుంది కానీ.. మాస్ మహరాజ్ సినిమా మొదలుపెట్టడానికే బోలెడు అడ్డంకులు వస్తున్నాయి. ప్రస్తుతం ఈమె కూడా రెండు తమిళ్ సినిమాలు చేస్తూ.. మెల్లగా కోలీవుడ్ కి షిఫ్ట్ అయ్యేందుకు పావులు కదుపుతున్నట్లుగా కనిపిస్తోంది.

మూడో 'ఆర్' అయిన రకుల్ ప్రీత్ సింగ్ మాత్రం స్టార్ హీరోయిన్ అయేందుకు అతి దగ్గరలో ఉంది. వరుసగా స్టార్ హీరోలతో ఆఫర్స్ రావడం.. ప్రస్తుతం మహేష్ బాబు.. రామ్ చరణ్ ల సినిమాలు చేతిలో ఉండడంతో.. నెక్ట్స్ జెన్ స్టార్ హీరోయిన్ గా రకుల్ ని చెప్పేస్తున్నారు. అలా మూడు స్టార్ రేస్ లో ముగ్గురు 'ఆర్'తో పేరు స్టార్ట్ అయ్యే హీరోయిన్లలో.. చివరకు ఒక్క రకుల్ మాత్రమే మిగిలేటట్లుగా ఉంది.



Like Us on Facebook : https://www.facebook.com/Tupakidotcom/