కామెంట్ల‌పై స్పందించిన ర‌కుల్‌

త‌న‌కంటే సీనియ‌ర్ కథానాయిక‌లైన త్రిష‌, త‌మ‌న్నాల‌పై ర‌కుల్ ప్రీత్‌సింగ్ కామెంట్లు చేసింద‌నీ... వాళ్ల‌లా ఫెయిల్యూర్స్‌కి నేను భ‌య‌ప‌డేదాన్ని కాన‌ని ఓ ఇంట‌ర్వ్యూలో మాట్లాడిన‌ట్టు ఈమ‌ధ్య పుకార్లు బ‌య‌టికొచ్చాయి. బాలీవుడ్ సినిమా కెరీర్ గురించి ర‌కుల్ అలా కామెంట్ చేసింద‌ని చెప్పుకొన్నారు. అందుకు సంబంధించిన వార్త‌లు వెబ్ మీడియాలో హ‌ల్ చ‌ల్ చేశాయి. ఆ కామెంట్లు ర‌కుల్ ప్రీత్‌సింగ్ చెవిన ప‌డ్డాయి. దీంతో వెంట‌నే ర‌కుల్ ట్విట్ట‌ర్ ద్వారా స్పందించింది.

తాజాగా లండ‌న్‌లో ఎన్టీఆర్ సినిమా హ‌డావుడిలో ఉన్న ర‌కుల్ ట్విట్ట‌ర్ ద్వారా వ్యాఖ్యానిస్తూ `ఇలాంటి న్యూసులు స్ప్రెడ్ చేయొద్దంటూ` మీడియాకి విజ్జ‌ప్తి చేసింది. ``సీనియ‌ర్ క‌థానాయిక‌ల‌పై నేను కామెంట్లు చేశానంటూ కొన్ని వార్త‌లొచ్చాయి. అందులో ఎలాంటి నిజం లేదు. సీనియ‌ర్లంటే నాకు చాలా గౌర‌వం. వాళ్ల‌ను చూసే నేను న‌ట‌న‌ను నేర్చుకొన్నా. వాళ్ల‌తో న‌న్ను నేను పోల్చుకోవ‌డానికే ఇష్ట‌ప‌డ‌ను. ఇప్పుడు నేను దేశం కాని దేశంలో ఉంటున్నా. దేశంలో లేని స‌మ‌యంలో నాపై ఇలాంటి పుకార్లు రావ‌డం భాదాక‌రం`` అని వాపోయింది ర‌కుల్‌.

తెలుగులో స్టార్ హీరోయిన్ గా హ‌ల్ చ‌ల్ చేస్తోంది ర‌కుల్. ప్ర‌స్తుతం ఎన్టీఆర్‌, రామ్ చ‌ర‌ణ్ సినిమాల్లో న‌టిస్తూ బిజీ బిజీగా ఉంటుంది. త్వ‌ర‌లోనే అల్లు అర్జున్ సినిమాలో కూడా న‌టించ‌బోతోంది. హిందీలో `షిమ్లా మిర్చి` సినిమాలో న‌టించింది. తెలుగులో బిజీ అవ్వ‌డంతో హిందీ కెరీర్‌పై దృష్టి పెట్ట‌డం లేదు ర‌కుల్‌.