రకుల్ రిక్షా తొక్కితే ఎట్లుంటుంది!!

సినిమాలో నటించడానికి కొన్ని సార్లు ఆ సినిమా పాత్ర బట్టి కొన్ని కొత్త విషయాలు నేర్చుకోవలిసి ఉంటుంది. కొందరు బైక్ డ్రైవ్ చేయడం నేర్చుకుంటే మరి కొందరు గుర్రపు స్వారీ నేర్చుకుంటారు. మరి కొందరు గన్ ఎలా పట్టుకోవాలి కత్తిని ఎలా తిప్పాలి పాత్రలాగా ఎలా మాట్లాడాలి అనేవి సాధారణగా నేర్చుకునేవి అయి ఉంటాయి కానీ ఇక్కడ ఒక హీరోయిన్ మాత్రం సైకిల్ రిక్షా తొక్కడం నేర్చేసుకుంది. అబ్బే.. జస్ట్ లా తొక్కేసింది.

రకుల్ ప్రీత్ సింగ్ ఇప్పుడు తమిళ్ తెలుగు సినిమాలతో బిజీ గా ఉంది. కార్తీ హీరోగా వస్తున్న ‘తీరాన్ అధిగరాం ఓండ్రు’ అనే సినిమాలో రకుల్ హీరోయిన్. ఈ సినిమాలో ఒక పాట కోసం రకుల్ రిక్షా తొక్కి అందరిని ఆశ్చర్య పరిచింది. అసలు ముందు డాన్స్ అసిస్టెంట్ రిక్షా తొక్కి చూశాడు అంటా తొక్కడం చాల కష్టంగా ఉంది అనిపించి ఆపేశాడు. మరి నాకే కుదర్లేదు ఈ హీరోయిన్ చేస్తుందో లేదో అని ఆలోచనలో పడ్డాడట. ఎందుకైనా మంచిది ఒకసారి రకుల్ అభిప్రాయం తెలుసుకొందాం అని సంకోచిస్తూ అడగ్గా.. దానికి రకుల్ ఏ మాత్రం ఆలోచించకుండా వెంటనే సరే అనేసిందట. అలా అనడమే కాకుండా రిక్షాను చక్కగా ఎక్కి తొక్కేసింది రకుల్.

“నేను భయపడలేదు కానీ రిక్షా ఆయన మాత్రం భయపడ్డాడు నేను ఎక్కడ రిక్షాను పాడు చేస్తానో అని. అతను బ్రేక్ ఎక్కడ ఉంటుంది ఎలా బ్రేక్ వేయాలి అని నాకు చాల విపులంగా చెప్పాడు. భలే ఉంది లెండి రిక్షాను తొక్కుతుంటే'' అని తన అనుభవాన్ని చెప్పింది. హీరో కార్తీ ని రిక్షా డ్రైవరు ను వెనకాల కూర్చొబెట్టుకొని రిక్షా నడుపుతుంటే మంచి కిక్ ఇచ్చింది అని చెబుతోంది రకుల్.