రకుల్ ప్రీత్ తో చైతు 'కళ్యాణం'

అక్కినేని నాగ చైతన్య కళ్యాణం అనగానే.. సమంతతో పెళ్లి అనుకోవడం కరెక్టే కానీ.. ఇక్కడ చెప్పే మేటర్ అది కాదు. ఇది ఓ సినిమా మేటర్. ప్రస్తుతం ఒకేసారి రెండు సినిమాలను రిలీజ్ కి రెడీ చేశాడు చైతు. అటు గౌతమ్ మీనన్ మూవీ సాహసం శ్వాసగా సాగిపో.. ఇటు చందూ మొండేటి దర్శకత్వంలో ప్రేమమ్ లు విడుదలకు సిద్ధమైపోతున్నాయి. ఇప్పుడు వీటి తర్వాతి ప్రాజెక్టును కూడా ఫైనల్ చేసేశారు.

నాగార్జున సోగ్గాడే చిన్ని నాయన అంటూ లైఫ్ టైం హిట్ ఇచ్చిన కళ్యాణ్ కృష్ణ దర్శకత్వంలో.. నాగ చైతన్య ఓ సినిమా చేయనున్న సంగతి తెలిసిందే. ఇప్పుడీ మూవీకి 'కళ్యాణం' అనే టైటిల్ ని ఫిక్స్ చేసినట్లు తెలుస్తోంది. అసలీ మూవీలో సమంతనే హీరోయిన్ గా అనుకున్నారు. చైతు-శామ్స్ ల లవ్ స్టోరీపై హాట్ హాట్ స్టోరీలు నడుస్తున్న టైమ్ లో.. వారి కాంబినేషన్ లో సినిమా అంటే ఇమ్మీడియేట్ గా హైప్ వస్తుందన్నది కళ్యాణ్ కృష్ణ ఆలోచన.

కానీ ఇప్పుడు లెక్కలు మారిపోయి.. సమంత తప్పుకుంది. దీంతో కొత్త హీరోయిన్ ని వెతుక్కోవాల్సిన పనిపడింది. ఈ ఛాన్స్ ని రకుల్ ప్రీత్ కి ఇచ్చేసినట్లు టాక్ వినిపిస్తోంది. టాలీవుడ్ లో అన్ని వంశాలను వరుసగా కవర్ చేసేస్తున్న రకుల్ కి అక్కినేని వంశం ఒక్కటే బ్యాలెన్స్. ఇది కూడా చేసేస్తే.. ఆ గ్యాప్ కూడా ఫిలప్ అయిపోతుంది.