రకుల్ టీచర్ బాగానే ఉందమ్మా!!

హీరోయిన్ రకుల్ ప్రీత్ సింగ్ ఇప్పటికే వెండితెరపై చాలా పాఠాలు చెప్పేసింది. ప్రేమ పాఠాల నుండి రసికత వరకు అన్నీ కురిపించేసింది. చేసింది నాలుగైదు పెద్ద పెద్ద సినిమాలే కాని.. వాటిలో అమ్మడి గ్లామరసంతో కురిపించని వర్షం లేదు. అయితే అవన్నీ తెరకే పరిమితం. రియల్ లైఫ్‌ లో అమ్మడు తన సొంత జిమ్ లో ఫిట్నెస్ పాఠాలు కూడా చెబుతుంటుంది. ఇప్పుడు అవే కాకుండా.. నిజమైన పాఠాలు కూడా చెబుతుందండోయ్.

టీచ్ ఫర్ చేంజ్ అనే సంస్థ కోసం నిన్న టీచర్ అవతారం ఎత్తింది రకుల్ ప్రీత్. హైదరాబాద్ లోని ఒక గవర్నమెంట్ పాఠశాలలో చిన్నారులకు రకుల్ విద్యాబోధనలు చేసింది. సాధారణంగా ఇలా క్లాసులు చెప్పడం అంటే అంత తేలిక కాదు. బాగా చదువుకున్న జర్నలిస్టులు ముందు ఎలాంటి కామెంట్ చేసినా కూడా అది అర్ధం చేసుకొని లోలోతైన భావంతో అన్నీ రాసేస్తారు. కాని చిన్నారులకు అలా కాదు.. అర్దమయ్యేలా చెప్పాలి. అయితే రకుల్ టీచర్ అక్కడ బాగానే సక్సెస్ అయ్యిందని.. అక్కడి చిన్నారుల కళ్లలో చిరునవ్వులు చూసి చెప్పేయొచ్చు.

ఇక సినిమాల విషయానికొస్తే ప్రస్తుతం మహేష్‌ బాబుతో చేసిన స్పైడర్ సినిమా రిలీజ్ కోసం ఎదురు చూస్తున్న రకుల్.. తరువాత బెల్లంకొండ శ్రీనివాస్.. నాగ చైతన్య సినిమాలతో వరుస లైనప్ పెట్టేసింది. అది సంగతి.

Like Us on Facebook : https://www.facebook.com/Tupakidotcom/