#ర‌కుల్ Vs అమ‌న్‌! అక్కా త‌మ్ముళ్ల కిక్ లు పంచ్ లు పీక్స్!!

అక్కా తమ్ముడు అనుబంధం గురించి ప్ర‌స్థావించాల్సి వ‌స్తే నిర‌భ్యంత‌రంగా ర‌కుల్ - అమ‌న్ సోద‌ర‌భావంపై డీటెయిలింగ్ ఇవ్వాల్సిందే. సౌత్ లో స్టార్ హీరోయిన్ స్టాట‌స్ అందుకున్న ర‌కుల్ కి కుటుంబంతో ఉండే అనుబంధం కానీ.. ముఖ్యంగా త‌న సోద‌రుడు అమ‌న్ అంటే ఉన్న అప‌రిమిత ప్రేమ కానీ ఎంతో గొప్ప‌ది. త‌మ్ముడిపై త‌న ప్రేమ‌ను ఆప్యాయ‌తానురాగాన్ని ర‌కుల్ ఏనాడూ దాచుకోలేదు. తాను స్టార్ హీరోయిన్ గా ఎదిగాక త‌న సోద‌రుడిని హీరోని చేయాల‌న్న త‌ప‌న‌తో స్వ‌యంగా నిర్మాత‌గా అవ‌తారం ఎత్తారు రకుల్.

త‌మ్ముడు అమ‌న్ హీరోగా ఇంత‌కుముందు బాలీవుడ్ లో ఓ సినిమా కూడా ప్రారంభించారు. నితీష్‌ రాయ్ ద‌ర్శ‌క‌త్వంలో రామ్ రాజ్య అంటూ టైటిల్ ని కూడా ప్ర‌క‌టించారు. కానీ దుర‌దృష్ఠ‌వ‌శాత్తూ ఇప్ప‌టివ‌ర‌కూ ఈ సినిమా ప్రోగ్రెస్ ఏమిటో తెలియరాలేదు. క‌రోనా క్రైసిస్ కాలంలో దీనిపై అప్ డేట్ ని చెప్ప‌లేక‌పోయారు. ఇక‌పోతే ర‌కుల్ జిమ్ బిజినెస్ కి అమ‌న్ కోఆర్డినేట‌ర్ గా మేనేజ్ చేస్తుంటారు.

ఇక అక్కా త‌మ్ముళ్లు ఒక చోట చేరితే అల్ల‌రి ఏ రేంజులో ఉంటుందో ఇంత‌కుముందు ర‌‌క్షాబంధ‌న్ వేళ బ‌య‌ట‌ప‌డింది. ఆ ఇద్ద‌రూ చాలా పెంకి. మొండివాడైన అమ‌న్ తో ర‌కుల్ త‌ర‌చూ గొడ‌వ‌ప‌డ‌డం ఇన్ స్టా వీడియోలు చూస్తే అర్థ‌మ‌వుతోంది. తాజాగా అక్కా త‌మ్ముడు ఇరువురూ ఎంతో ఉల్లాసంగా క‌లిసి జిమ్ చేస్తూ కిక్ లు పంచ్ లు విసురుతూ క‌నిపించారు. అలాగే క‌లిసి స్విమ్ చేస్తూ.. ఆట‌లాడుతూ ఉన్న వీడియోని ర‌కుల్ షేర్ చేయ‌గా అది అభిమానుల్లో వైర‌ల్ గా మారింది. మ‌రోవైపు ర‌కుల్ ఇటు సౌత్ సినిమాల‌తో పాటు హిందీ చిత్రాల‌తోనూ బిజీగా ఉంది. క్రిష్ ద‌ర్శ‌క‌త్వంలోని సినిమాని పూర్తి చేసిన ర‌కుల్ బాలీవుడ్ లో మేడే స‌హా పలు చిత్రాల్లో న‌టిస్తూ బిజీగా ఉన్నారు.