రామ్ తెచ్చే కీర్తి కొలతలు పెద్దవే

అనుకోని ఆటంకంలా ఎదురైన శివం ఫ్లాప్ తో ఎనర్జిటిక్ హీరో రామ్ మంచి కసి మీద ఉన్నాడు. ఎలాగైనా హిట్ కొట్టేసి.. ఇండస్ట్రీలో తన స్టామినా ప్రూవ్ చేసుకునేందుకు తాపత్రయపడుతున్నాడు. అందుకోసమే కొత్త హీరోయిన్ మళయాళీ భామతో సరికొత్తగా రొమాన్స్ చేసేస్తున్నాడు.

నేను.. శైలజ.. అంటూ హీరోయిన్ కి టైటిల్ లో కూడా ప్లేస్ ఇచ్చిన రామ్.. రీసెంట్ గా మూవీ పోస్టర్స్ రిలీజ్ చేశాడు. ఇప్పటికే జనవరి 1న రిలీజ్ అని కన్ఫాం చేయడంతో.. న్యూఇయర్ రిలీజ్ పోస్టర్స్ కూడా వచ్చేశాయి. అయితే.. టీజర్ లో ఎవరూ గమనించలేక పోయిన ఓ విషయం.. పోస్టర్స్ తో బయటపడిపోయింది. అదే.. బక్క హీరో రామ్ పక్కన.. హీరోయిన్ కీర్తి సురేష్ బొద్దుగా కనిపిస్తోంది. అమ్మాయిలు కాస్త బొద్దుగా ఉండడం పెద్ద మేటర్ కాకపోవచ్చు కానీ.. రామ్ కంటే ఈ అమ్మాయే లావుగా కనిపిస్తుండడం గమనించాల్సిన విషయం.

మరోవైపు.. ఇప్పటివరకూ తాను ఎప్పుడూ చేయని రోల్ ఇది, ఎలాంటి మసాలాలు ఎక్స్ పెక్ట్ చేయద్దంటూ రామ్ డైరెక్టుగా చెప్పేయడంతో.. ఈ మూవీపై క్లాస్ ప్రేక్షకుల్లో అంచనాలు పెరిగాయి. అయితే సాఫ్ట్ గా ఉంటూనే మాస్ కి కూడా కనెక్ట్ అవుతుందంటున్నాడు రామ్. నిజానికి కొత్త పోస్టర్లు బాగున్నాయ్‌. టీజర్‌ కూడా అదిరిపోయింది. కాకపోతే హీరో కంటే హీరోయిన్‌ కాస్త బొద్దుగా ఉందని చిలిపిగా మాట్లాడుకుంటున్నారు జనాలు