రామ్ తో సత్తారు.. ఇంట్రెస్టింగ్ కాంబో

కొన్ని కాంబినేషన్లు ఆరంభంలోనే ఆసక్తి కలిగిస్తాయి. ఓ హీరో సినిమా అంటే.. జనాలకి ఓ విధమైన ఐడియా ఉంటుంది. హీరో రామ్ తో సినిమా అంటే ఎనర్జిటిక్ క్యారెక్టర్స్ ఊహించుకోవడం సహజం. అలాగే దర్శకుడు ప్రవీణ్ సత్తారు ట్యాలెంట్ ఇప్పటికే చూసేశాం.

ఈయన తీసినవే ఐదు సినిమాలు.. ఎల్బీడబ్ల్యూ- రొటీన్ లవ్ స్టోరీ - మూడవ సినిమా చందమామ కథలు అంటూ నేషనల్ అవార్డ్ సినిమా.. తరువాత అడల్ట్ కంటెంట్ నింపేసిన గుంటూరు టాకీస్.. ఐదో చిత్రంగా పీఎస్వీ గరుడవేగ థ్రిల్లర్ సబ్జెక్టులను హ్యాండిల్ చేశాడు. ఇప్పుడు ప్రవీణ్ సత్తారుతో హీరో రామ్ మూవీ చేయనున్నాడు. ఇప్పటికే ఈ చిత్రం గురించిన ప్రకటన వచ్చినా.. ఇప్పుడు అధికారికంగా మూవీ షూటింగ్ ను ప్రారంభించారు. యూనిట్ సభ్యులు హాజరు కాగా.. పూజా కార్యక్రమాలను నిర్వహించి సినిమాను స్టార్ట్ చేశారు. రామ్ కి హోమ్ బ్యానర్ అయిన స్రవంతి రవికిషోర్ ఈ చిత్రానికి నిర్మాణం వహిస్తున్నారు. తన గత చిత్రాలకు మాదిరిగానే వైవిధ్యమైన కథను రామ్ కోసం సిద్ధం చేసినట్లుగా ప్రవీణ్ సత్తారు చెబుతున్నాడు.

ఇప్పుడు పూజా కార్యక్రమాలను పూర్తి చేసినా.. మే నెల 7వ తేదీ నుంచి రెగ్యులర్ షూటింగ్ ప్రారంభించబోతున్నట్లు యూనిట్ వర్గాలు చెబుతున్నాయి. మొదట జార్జియాలో.. ఆ తర్వాత స్విట్జర్లాండ్.. ఫ్రాన్స్.. ఇటలీ దేశాల్లో కూడా ఈ చిత్రం షూటింగ్ జరుగుతుందట. రామ్ ఎనర్జీకి పర్ఫెక్ట్ మ్యాచ్ అయ్యే స్టోరీ ఇది అంటున్నారు. యాక్షన్ ప్లస్ అడ్వంచర్ తో పాటు.. గ్రిప్పింగ్ స్క్రీన్ ప్లే హైలైట్ అవుతుందట.