రభస టైపులో రామ్ రచ్చ చేస్తున్నాడు

నేను శైలజ తర్వాత ఎనర్జిటిక్ హీరో రామ్ చాలా కేర్ ఫుల్ గా సినిమా చేస్తున్నాడు. తన 14వ సినిమాగా సంతోష్ శ్రీనివాస్ దర్శకత్వంలో ఓ సినిమా చేస్తున్నాడు. ఇది కందిరీగ సీక్వెల్ అనే టాక్ నడుస్తోంది.

సాధారణంగా రామ్ ఓ సినిమా షూటింగ్ స్టార్ట్ చేస్తే.. జెట్ స్పీడ్ గా ఫినిష్ చేసేస్తాడు. సంతోష్ శ్రీనివాస్ డైరెక్షన్ రూపొందుతున్న ఈ సినిమా.. ఇప్పుడు ఇంటర్వెల్ బ్యాంగ్ షూటింగ్ జరుపుకుంటోంది. 14రీల్స్ బ్యానర్ పై రూపొందుతున్న ఈ మూవీకి సంబంధించిన అప్ డేట్స్ ని.. నిర్మాత రామ్ ఆచంట ఎప్పటికప్పుడు సోషల్ మీడియాలో పోస్ట్ చేస్తున్నారు. '14 రీల్స్ బ్యానర్ లో రామ్ 14వ సినిమా, సంతోష్ శ్రీనివాస్ దర్శకత్వంలో ఇంటర్వెల్ బ్యాంగ్ షూటింగ్ జరుగుతోంది.. ఇవిగో వర్కింగ్ స్టిల్స్' అంటూ ట్వీట్ చేశారు రామ్ ఆచంట.

ఆ ఫోటోల్లో సముద్రం మధ్యలో వేసిన సెట్టింగ్..ఒకవైపు పెద్ద బోట్.. మరోవైపు రెండు చిన్న బోట్స్.. అన్నీ ఏరియల్ షాట్స్.. ఈహంగామా చూస్తే ఎన్టీఆర్ తో సంతోష్ శ్రీనివాస్ తీసిన రభస గుర్తుకురాక మానదు. యాక్షన్ సీన్స్ తో రచ్చ లేపే ఈ దర్శకుడు.. రామ్ తో కూడా రచ్చ రచ్చ చేయిస్తున్నాడనే విషయం ఈ ఇంటర్వెల్ బ్యాంగ్ వర్కింగ్ స్టిల్స్ చూస్తే అర్ధమవుతోంది.