మీటర్ పగిలే రీసౌండ్

మెగా వేడుక మెల్ల మెల్లగా మొదలై తారా స్థాయికి చేరుకోనుంది. ముందుగా అనుకున్నట్టే మెగా వారసులు ఒక్కొక్క కానుక ఇస్తూ వస్తున్నారు. మెగా బ్రదర్ నాగబాబు తనయుడు వరుణ్ తేజ్ కంచె ఫస్ట్ పోస్టర్ ని దించాడు. వెనువెంటనే రామ్ చరణ్ తన తొమ్మిదో సినిమా టీజర్ ని విడుదల చేసి తండ్రి మెగాస్టార్ కి పుట్టినరోజు శుభాకాంక్షలు తెలిపాడు.

శ్రీను వైట్ల మెగా పవర్ కలయికలో వస్తున్న ఈ సినిమా టీజర్ పవర్ఫుల్ గానే వుంది. గోవిందుడు అందరివాడేలే సినిమాలో క్లాస్ నటనతో అదరగొట్టిన చరణ్ ఈ సినిమాతో మళ్ళీ తన మార్క్ కి వచ్చేశాడు. టీజర్ లో చెప్పే డైలాగులైతే వన్స్ మోర్ అనేలా వున్నాయి. కోన ఎంత పదునుగా రాశాడో చూడండి.. 'నీ మీటర్ పగిలితే కానీ నా మీటర్ అర్థం కాదు', 'వేట ఎలా వుంటుందో నేను చూపిస్తాను.. మొదలు పెట్టాక పూర్తయ్యే వరకూ రిక్వెస్ట్ లు వినపడవు రియాక్షన్ లు కనపడవ్. ఓన్లీ రీసౌండ్'. అబ్బబ్బ థియేటర్ లో విజిల్స్ పడడానికి ఇంతకంటే ఇంకేం కావాలి. చూపించినంత వరకూ యాక్షన్ కూడా హై వోల్టేజ్ లో వుంది.ఒక్క మాటలో చెప్పాలంటే మీటర్ పగిలే రీసౌండ్ ఈ టీజర్ కి వచ్చి తీరుతుంది. అభిమానులు మరింత ఉత్సాహంతో పుట్టినరోజు విషెస్ చెబుతారు. దానికెంత రీసౌండ్ వస్తుందో...!