చిన్నప్పటి ఫోటోతో భలే ట్రీటిచ్చాడే

మెగా కాంపౌండ్ నుండి చాలా మంది హీరోలు తెరపైన హంగామా చేస్తున్నారు. దాదాపు అందరు మెగా హీరోలు హిట్ సినిమాలతో బాగానే రాణిస్తున్నారు. సెలెబ్రెటీల చిన్నప్పటి ఫోటోలు మనం చూస్తూనే ఉంటాం. కానీ వాటిల్లో మెగాహీరోలు కలిసున్న చిన్నప్పటి ఫోటోలు కొంచెం స్పెషల్. అలాంటి ఒక ఫోటోనే ఇప్పుడు సోషల్ మీడియాలో వైరల్ అవుతోంది.

రామ్ చరణ్ ఇవాళ తన 33వ పుట్టినరోజు జరుపుకుంటున్న విషయం తెలిసిందే. చాలా మంది సెలెబ్రెటీలు చెర్రీ కి విషెస్ చెప్తుండగా అల్లు శిరీష్ ట్వీట్ మాత్రం అందరి దృష్టిని తన వైపు తిప్పుకుంది. ఆ ఫోటో శిరీష్ - చరణ్ చిన్నప్పటిది. చెర్రీ కంటే శిరీష్ రెండేళ్లు చిన్నవాడు. ఆ ఫోటోలో మెగా పవర్ స్టార్ భలేగా పోజ్ ఇస్తుంటే శిరీష్ చాలా స్టైలిష్ గా నిలబడ్డాడు. మొత్తానికి ఇద్దరూ మాత్రం చాలా క్యూట్ గా ఉన్నారు.

ఫోటో మాత్రమే కాదు శిరీష్ అన్న కు ఎమోషనల్ గా బర్త్డే విషెస్ కూడా చెప్పాడు. "నాకు ఇష్టమైన కజిన్ మరియు నా వెల్ విషర్ కు పుట్టిన రోజు శుభాకాంక్షలు. నాకు తెల్సిన తెలివైన, కైండ్ పర్సన్స్ లో నువ్వు కూడా ఒకడివి. హావ్ ఏ గ్రేట్ ఇయర్ ఆర్.సి బ్రో" అంటూ ట్వీట్ చేసి ట్రీటిచ్చాడు శిరీష్. మొత్తానికి ఈ అల్లు హీరో పెట్టిన పురాతన ఫోటో మాత్రం ఫాన్స్ ను ఆనందపరుస్తోంది.