# బాల‌య్య 108..చ‌ర‌ణ్ 16 పై క్రేజీ టైటిల్స్!

స్టార్ హీరోల చిత్రాల పై అధికారిక‌ ప్ర‌క‌ట‌నోస్తే టైటిల్ విష‌యంలో సోష‌ల్ మీడియాలో అభిమానులు చేసే ర‌చ్చ గురించి చెప్పాల్సిన ప‌నిలేదు. ర‌క‌ర‌కాల టైటిల్స్ గెస్ చేసి ఫ‌లానా హీరోకి ఈ టైటిల్ అయితే బాగుంటుంద‌ని స‌ల‌హాలిస్తుంటారు. అలాగే పోస్ట‌ర్స్ విష‌యంలో మేక‌ర్స్ ని మించిన క్రియేటివిటీని చూపిస్తుంటారు. ఇలా హంగామా చేయాల‌న్నా? ట్యాలెంట్ ఉండాలి.

అంత‌కు మించి ఫ్యాష‌న్ అనేది ఉండాలి. వాళ్లు మాత్ర‌మే చేయ‌గ‌లిగే ప‌ని. తాజాగా న‌ట‌సింహ బాల‌కృష్ణ 108వ సినిమా అనీల్ రావిపూడి ద‌ర్శ‌క‌త్వంలో ప్రారంభ‌మైన సంగ‌తి తెలిసిందే. బాల‌య్య ఇమేజ్...అనీల్ కంటెంట్ క్రేజ్ చూసి ఈ కాంబోలో వ‌చ్చే సినిమాకి `బ్రో ఐడోంట్ కేర్` అనే టైటిల్ ఒక‌టి నెట్టింట వైర‌ల్ అవుతుంది. ఈ టైటిల్ అయితే బాల‌య్య కి ప‌ర్పెక్ట్ గా సూట‌వుతుందంటూ అభిప్రాయాలు వ్య‌క్తం చేస్తున్నారు.

ఈ సినిమాని అనీల్ త‌నదైన మార్క్ హాస్యంతో పాటు...యాక్ష‌న్ జోడించి తెర‌కెక్కిస్తున్న సినిమా అని ప్ర‌చారంసాగుతోంది. ఈనేప‌థ్యంలో `బ్రో ఐడోంట్ కేర్` తెర‌పైకి వ‌చ్చింది. పైగా బాల‌య్య అన్ స్టాప బుల్ కి హోస్ట్ అయిన త‌ర్వాత ఆయ‌న‌లో కొత్త యాంగిల్స్ బ‌య‌ట ప‌డుతున్నాయి. ఆయ‌న‌లో యాంగ‌రే కాదు..మంచి హాస్యం..చ‌లాకీత‌నం దాగి ఉంద‌ని ప్రేక్ష‌కుల‌కు అర్ధ‌మైంది.

ఇలా ర‌క‌ర‌కాల విశ్లేష‌ణ‌లో ఈ టైటిల్ నెట్టింట దుమారం రేపుతోంది. ఇక మెగా ప‌వ‌ర్ స్టార్ రామ్ చ‌ర‌ణ్ క‌థ‌నాయ‌కుడిగా 16వ చిత్రానికి బుచ్చిబాబు సాన ద‌ర్శ‌క‌త్వం వ‌హిస్తున్న సంగ‌తి తెలిసిందే. ఈసినిమాకి `పెద్ది` అనే టైటిల్ అనుకుంటున్న‌ట్లు ప్ర‌చారం సాగుతోంది. ఇది ప‌ల్లెటూరు నేప‌థ్యంలో సాగే వైవిథ్య‌మైన క‌థ అని..మ‌రో రంగ‌స్థ‌లం లాంటి క‌థ అని వినిపిస్తోంది.

ఈ నేప‌థ్యంలో `పెద్ది` టైటిల్ వెలుగులోకి వ‌స్తుంది. ఈ సినిమా ఇంకా మొద‌ల‌వ్వ‌కుండానే టైటిల్స్ తెర‌పైకి రావ‌డం ఆస‌క్తి సంత‌రించుకుంటుంది. ఇక షూట్ మొద‌లై అధికారిక ప్ర‌క‌ట‌నొచ్చే వ‌ర‌కూ ఇలాంటి టైటిల్స్ పుంకాలు పుంకాలుగా తెర‌పైకి వ‌స్తూనే ఉంటాయి

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.