25 రోజులు చెర్రీ అదృశ్యం!

25 రోజుల పాటు మెగాప‌వ‌ర్‌ స్టార్ రామ్‌ చ‌ర‌ణ్ అదృశ్యం అవుతున్నారా? ఎవ‌రికీ క‌నిపించ‌ని సుదూర తీరానికి జంప్ అవుతున్నారా? అంటే అవున‌నే తెలుస్తోంది. ఆ మేర‌కు ఆర్‌ సి 12 యూనిట్ నుంచి అధికారిక ప్ర‌క‌ట‌న వెలువ‌డింది. ఇంత‌వ‌ర‌కూ ఎవ‌రూ వెళ్ల‌ని అరుదైన ఎగ్జోటిక్ లొకేష‌న్ల‌కు వెళుతున్నామ‌ని ఇదివ‌ర‌కూ టీమ్ ప్ర‌క‌టించింది. ఇప్పుడు అన్నంత ప‌నీ చేస్తోంది.

యూర‌ప్‌ లోని అజెర్‌ భైజాన్ దేశానికి టీమ్ ఇదివ‌ర‌కే చేరుకుంది. 25రోజుల పాటు సాగే సుదీర్ఘ‌మైన షెడ్యూల్‌ కి ప్రిపేర‌య్యారు. ఈరోజు నుంచే షూటింగ్ చేస్తున్నాం.. అంటూ ఆర్‌ సి 12 టీమ్ తాజాగా ప్ర‌క‌టించింది. దీన్ని బ‌ట్టి రామ్‌ చ‌ర‌ణ్ పారా గ్లైడింగ్ చేసింది అజెర్‌ భైజాన్ నుంచేనా? క‌ల్యాణ్ బాబాయ్‌ కి చెర్రీ అక్క‌డి నుంచే బ‌ర్త్‌ డే స‌ర్‌ ప్రైజ్ ఇచ్చాడా? మొత్తానికి ఎగ్జోటిక్ లొకేష‌న్స్‌ లో భారీ యాక్ష‌న్ కి చ‌ర‌ణ్ రెడీ అవుతున్నాడా? పారా గ్లైడింగ్ ప్రిప‌రేష‌న్ అందులో భాగ‌మేనా? అంటూ మెగాభిమానుల్లో ర‌క‌ర‌కాల సందేహాలు నెలకొన్నాయి.

అంతేకాదు ఉపాస‌న కొణిదెల త‌న అధికారిక ట్విట్ట‌ర్‌ లో ఆర్‌సి ట్రావెలింగ్ సూట్‌ కేస్‌ తో వెళుతున్న వీడియోని ఇదివ‌ర‌కూ పోస్ట్ చేశారు. అదేదో అండ‌ర్‌ గ్రౌండ్‌ ట‌న్నెల్ లాంటి ప్ర‌దేశంలో చ‌ర‌ణ్ వెళుతూ క‌నిపించాడు. మొత్తానికి అజెర్‌ భైజాన్ ట్రిప్ మాత్రం చాలా ఎగ్జ‌యిటింగ్ అనే అర్థ‌మ‌వుతోంది. చ‌ర‌ణ్ - బోయ‌పాటి - దాన‌య్య టీమ్ ఇక్క‌డ అదిరిపోయే భారీ యాక్షన్ సీన్స్ ప్లాన్ చేశార‌నే భావించాలి. బోయ‌పాటి అంటేనే మాస్. ఆయ‌న‌లోని మాసిజాన్ని ఎలివేట్ చేస్తూ ఈ సినిమాని తీస్తున్నార‌ని అర్థమ‌వుతోంది. ఆర్‌.సి12 అప్‌ డేట్స్ కోసం.. వాచ్‌ దిస్ స్పేస్‌..