ఆఫీస్ లో బాబాయ్.. సెట్ లో అబ్బాయ్

దేశానికి సంబందించి ఏ వేడుక వచ్చినా కులమతాలకు అతీతంగా అందరు ఒకటై ఆ వేడుకల్లో పాల్గొనడం మన దేశంలో ఉన్న గొప్ప సంస్కృతి. ఇది అందరికి తెలిసిన విషయమే. ఇక టాలీవుడ్ స్టార్స్ కూడా కొంతమందికి దేశభక్తి చాలానే ఉంది. అలాంటి వారిలో పవర్ స్టార్ పవన్ కళ్యాణ్ టాప్ లో ఉంటారని ప్రత్యేకంగా చెప్పనక్కర్లేదు. ఆయన జెండాకు సంబందించిన ఫెస్టివల్స్ లో ముందుంటాడు.

ఇండిపెండెన్స్ డే అయినా రిపబ్లిక్ డే అయినా తన ఆఫీస్ ముందు జెండా ఎగరాల్సిందే. అయితే ప్రతి ఏడాదిలాగే ఈ సారి కూడా పవన్ జనసేన ఆఫీస్ ముందు త్రివర్ణ పతాకాన్ని ఎగురవేశాడు. తన సన్నిహితులు పార్టీ సభ్యులు ఆ కార్యక్రమంలో పాల్గొన్నారు. అయితే బాబాయ్ రూట్ లోనే గత కొంత కాలంగా మెగా పవర్ స్టార్ రామ్ చరణ్ కూడా ఫాలో అవుతున్నాడు. ఆయన ఫ్యాన్స్ తో ఎలా కలిసిపోతారో అలానే కలిసిపోతున్నాడు.

ఇక అసలు మ్యాటర్ లోకి వేస్తే రామ్ చరణ్ కూడా తన దేశభక్తిని చాటుకున్నాడు. రంగస్థలం సెట్ లో దర్శకుడు సుకుమార్ అలాగే చిత్ర యూనిట్ సమక్షంలో చరణ్ జెండాను ఎగురవేశాడు. ప్రస్తుతం అందుకు సంబందించిన ఫొటోలు మెగా ఫ్యాన్స్ ని చాలా ఆకట్టుకుంటున్నాయి. మొత్తానికి ఆఫీస్ లో బాబాయ్ సెట్ లో అబ్బాయ్ అనేట్టుగా రిపబ్లిక్చే డే ను సెలబ్రేట్ చేసుకున్నారు.