రామ్ చరణ్‌ సైకిలెక్కిన రకుల్ ప్రీత్!!

ఇప్పుడు త్వరలో రానున్న ఏకైక పెద్ద సినిమా ''ధృవ'' కాబట్టి.. ఇంకా నెల రోజులు టైమ్ ఉన్నా కూడా హైప్ మాత్రం పెరిగిపోతోంది. అయితే ఈ సినిమా ఆడియో రిలీజ్ చేయడానికి పెద్ద ఈవెంట్ కండక్ట్ చేయకుండా.. కేవలం డైరెక్టుగా ఆడియోను మార్కెట్ లోకి రిలీజ్ చేస్తారంటూ ఇప్పటికే పెద్ద రచ్చ జరుగుతోంది. అదంతా ఏమో కాని.. ఇప్పుడు మెగా హీరో సైకిలెక్కిన సెక్సీ చిన్నది మాత్రం.. తెగ ఆకట్టుకుంటోంది.

అవును.. కాశ్మీర్ లో షూటింగ్ అంటే ఏంటో అనుకున్నారు కాని.. దర్శకుడు సురేందర్ రెడ్డి ''ధృవ'' సినిమా కోసం అక్కడ చాలా మంచి సీన్లే తీసినట్లున్నాడు. అందులో ఒక సీన్ చూసుకుంటే.. అక్కడే ట్రైనింగ్ తీసుకుంటున్న కొందరు ఐపిఎస్ జూనియర్లు.. ఇలా సైకిళ్ళ మీద చెక్కెర్లు కొడుతున్నారు. ఇక ప్రేమలో పడిన రామ్ చరణ్‌ అండ్ రకుల్ చక్కగా ఒకటే సైకిల్ మీద బాగానే ఎంజాయ్ చేస్తున్నారు. ఇలాంటి రొమాంటిక్ మూమెంట్స్ ఒరిజినల్ తమిళ వర్షన్ లో కాసినన్ని తక్కువేలే.

ఏదేమైనా కూడా ధృవ సినిమా డిసెంబర్ లో వచ్చి మెగా అభిమానులను గట్టిగా ఆకట్టుకుంటుందని అందరూ కోరుకుంటున్నారు. ఇప్పటికే ఈ సంవత్సరం సరైనోడు బాగా అలరించగా.. సర్దార్ మాత్రం డిజప్పాయింట్ చేసింది. ఈ తరుణంలో మెగాభిమానులు అందరూ భారీ హిట్టే కోరుకుంటున్నారు.