చెర్రీ సినిమా పేరు... `ఫైట‌ర్‌`?!

ఫైన‌ల్‌ గా ఏది ఫిక్స్ చేస్తారో తెలియ‌దు కానీ... రామ్‌ చ‌ర‌ణ్ సినిమాకి బోలెడ‌న్ని పేర్లు ప్ర‌చారంలో ఉన్నాయి. ఇటీవ‌ల కాలంలో ఓ సినిమాకి ఇన్ని పేర్లు వినిపించ‌డం ఇప్పుడే. మొద‌టేమో `మై నేమ్ ఈజ్ రాజూ` అన్నారు. ఆ త‌ర్వాత `బ్రూస్ లీ` అన్నారు. మ‌ధ్య‌లో ఇంకో పేరు కూడా ఏదో వినిపించారు. ఇప్పుడేమో `ఫైట‌ర్‌` అంటున్నారు. శ్రీనువైట్ల ద‌ర్శ‌క‌త్వంలో తెర‌కెక్కుతున్న ఆ సినిమాలో రామ్‌ చ‌ర‌ణ్ ఫైట‌ర్‌ గా క‌నిపించ‌బోతున్నార‌ని స‌మాచారం. అందుకే పేరు కూడా `ఫైట‌ర్‌` అనే ఫిక్స్ చేయాల‌ని చిత్ర‌బృందం భావిస్తోంద‌ట‌. ఇలా నాలుగైదు పేర్ల ని అభిమానుల‌కి వినిపించేసి వాళ్లు ఏది ఫిక్స్ చేస్తే ఆ పేరే పెట్టాల‌ని కూడా చిత్ర‌బృందం భావిస్తున్న‌ట్టు స‌మాచారం. సినీ ప్రేమికులు మాత్రం చిత్ర బృందం ఏ టైటిల్ ను ఫైనల్ చేస్తుంది అని వెయిట్ చేస్తున్నారు

శ‌ర‌వేగంగా షూటింగ్ జ‌రుపుకొంటున్న రామ్‌ చ‌ర‌ణ్ సినిమాని సెప్టెంబ‌రు లోనే ప్రేక్ష‌కుల ముందుకు తీసుకొచ్చే అవ‌కాశాలున్నాయి. ఇదివ‌ర‌క‌టితో పోలిస్తే ఈసారి రామ్‌చ‌ర‌ణ్ మ‌రిన్ని వినోదాలు పంచ‌బోతున్నార‌ట‌. శ్రీనువైట్ల సినిమా అంటే బోలెడంత ఎంట‌ర్‌ టైన్‌ మెంట్ ఉంటుంది. క‌థానాయ‌కులు నాలుగైదు షేడ్స్‌ లో క‌నిపిస్తుంటాడు. ఈ సినిమాలో కూడా రామ్‌ చ‌ర‌ణ్‌ ని పోలీసుగా, ఫైట‌ర్‌ గా ఇలా ర‌క‌ర‌కాల కోణాల్లో చూపించ‌బోతున్నాడ‌ట‌. శ్రీనువైట్ల‌ కి ఈసారి కోన వెంక‌ట్‌, గోపీమోహ‌న్‌ లు కూడా తోడు కావ‌డంతో సినిమాపై భారీ అంచ‌నాలు నెల‌కొన్నాయి. చిరంజీవి, నాగార్జున‌లు కూడా క‌నిపిస్తార‌ని ప్ర‌చారం సాగుతోంది. చూస్తుంటే విడుద‌ల లోపు సినిమాకి భారీగా హైప్‌ ని తీసుకొచ్చేలా క‌నిపిస్తున్నారు.