సైరా జోడి దుబాయ్ ట్రిప్!!

ప్రతి సినిమాకు రెండు ప్రాణాలు ఉంటాయి. ఒకరు హీరో అయితే మరొకరు సినిమాని తెరకెక్కించిన చిత్ర దర్శకుడు. వారిద్దరి మనసులు అభిరుచులు ఒకటైతేనే సినిమాలో మరో ప్రాణం కనిపిస్తుంది. ప్రస్తుత రోజుల్లో మన స్టార్ హీరోలు దర్శకులతో చాలా క్లోజ్ గా ఉంటున్నారని అందరికి తెలిసిందే. ఏ మాత్రం లెవెల్ చూపించకుండా ఒకరికొకరు చాలా ఫ్రెండ్లీ గా ఉంటున్నారు. ప్రస్తుతం అలాంటి జోడీలు చాలానే ఉన్నాయి.

అందులో రామ్ చరణ్ - సురేందర్ రెడ్డి జోడి ఒకటి. వీరిద్దరు ధృవ సినిమాతో కలిసి మంచి హిట్ అందుకున్న సంగతి తెలిసిందే. అప్పటి నుంచి చెర్రీ ఆ దర్శకుడిని వదలడం లేదు. అంతే కాకుండా సైరా సినిమాకు స్పెషల్ గా రికమెండ్ చేశాడు. మెగాస్టార్ స్టార్ ప్రతిష్టాత్మక చిత్రానికి దర్శకత్వం వహించబోతుండడంతో అందరు సురేందర్ రెడ్డి సినిమాను ఎలా తెరకెక్కిస్తాడా అని అనుకుంటున్నారు. ఇకపోతే రీసెంట్ గా సురేందర్ రెడ్డి చరణ్ ఇద్దరు వారి ఫ్యామిలీ తో కలిసి దుబాయ్ ట్రిప్ కి వెళ్లారు. అక్కడే న్యూ ఇయర్ వేడుకలు చేసుకొని గత కొద్దీ రోజులుగా హాలిడేస్ ని ఎంజాయ్ చేస్తున్నారు. దీని కారణంగా కొన్ని రూమర్లకు కూడా తెరపడింది.

రీసెంట్ గా సైరా సినిమా మొదటి షెడ్యూల్ లోని కొన్ని యాక్షన్ సీన్స్ ని దర్శకుడు అటవీ ప్రాంతాల్లో పూర్తి చేశాడు. మరికొన్ని రోజుల్లో హైదరాబాద్ లో వేసిన భారీ సెట్లలో షూటింగ్ ని కంటిన్యూ చేయనున్నారు. కాకపోతే జరిగిన షెడ్యూల్ అవుట్ పుట్ చూసి అందరూ అసంతృప్తిగా ఉన్నారని.. డైరక్టర్ సురేందర్ రెడ్డిని మారుస్తున్నారని రూమర్లు వచ్చాయి. కాని ఈ దుబాయ్ ట్రిప్ తో ఆ రూమర్లకు చెక్ పెట్టినట్లు అయ్యింది.