క్లారిటీ కోసం రెడీ అవుతున్న సైరా టీమ్

మెగాస్టార్ చిరంజీవి కెరీర్లో ఎంతో ప్రతిష్టాత్మకంగా తెరకెక్కుతోన్న సైరా సినిమా కోసం తెలుగు చిత్ర పరిశ్రమతో పాటు ఇతర సినీ పరిశ్రమ ప్రేక్షకులు కూడా బాగానే ఎదురుచూస్తోన్నారు. సినిమా గురించి ఎలాంటి అప్డేట్ వచ్చినా వాటిపై అనేక కథనాలను ప్రసారం చేస్తున్నారు. అయితే సినిమా గురించి వస్తోన్న వార్తలు ఎంత వరకు నిజం అనేది ఎవరికీ అర్ధం కావడం లేదు. చాలా వరకు అందులో అబద్దాలే ఉంటున్నాయి.

అభిమానులు కూడా రూమర్స్ పై కన్ఫ్యూజ్ అవుతున్నారు. ఎక్కువగా కొన్ని వెబ్ సైట్స్ సంబందంలోనే న్యూస్ లను ప్రచారం చేస్తున్నాయి. దీంతో సినిమా గురించి పూర్తిగా వివరణ ఇచ్చేందుకు చిత్ర యూనిట్ ప్రెస్ మీట్ ను ఏర్పాటు చేయడానికి సిద్ధమైంది. త్వరలో సినిమాకు సంబందించిన ఫుల్ క్లారిటిని దర్శకుడు సురేందర్ రెడ్డి నిర్మాత రామ్ చరణ్ ఇవ్వనున్నారట. గత కొన్ని రోజుల క్రితం సినిమా మొదటి షెడ్యూల్ ని ఫినిష్ చేసుకున్న సంగతి తెలిసిందే.

అయితే ఆ తరువాత మెగాస్టార్ తన లుక్స్ ని నెక్స్ట్ షెడ్యూల్ కోసం అలాగే గ్రాఫిక్స్ కోసం మార్చుకున్నాడని వార్తలు వచ్చాయి. అంతే కాకుండా సినిమా మ్యూజిక్ డైరెక్టర్ పై ఇంకా క్లారిటి ఇవ్వలేదు. ఆ విషయాల గురించి పూర్తిగా చిత్ర యూనిట్ తెలియేస్తుందట. నెక్స్ట్ షెడ్యూల్ ఫిబ్రవరి సెకండ్ వీక్ లో స్టార్ కానుంది. దాదాపు 125 కోట్ల భారీ బడ్జెట్ తో ఫ్రీడమ్ ఫైటర్ ఉయ్యాలవాడ నరసింహారెడ్డి జీవిత ఆధారంగా ఈ సినిమా తెరకెక్కుతోంది.