చెర్రీ మేన‌కోడ‌లు క్రిస్మ‌స్ బ‌ర్త్ డే

ప్రపంచ వ్యాప్తంగా క్రిస్మస్ సంబ‌రాలు ఆంబ‌రాన్నంటాయి. సెల‌బ్రిటీల ఇళ్ల‌లోనూ ఈసారి క్రిస్మ‌స్ పండ‌గా ఘ‌నంగానే జ‌రుపుకున్నారు. అటు బాలీవుడ్ ఇటు కోలీవుడ్ టాలీవుడ్ లోనూ సెల‌బ్రిటీలంతా కుటుంబ స‌మేతంగా క్రిస్మ‌స్ సెల‌బ్రేష‌న్స్ జ‌రుపుకుంటున్న ఫోటోలు సామాజిక మాధ్య‌మాల్లో హ‌ల్ చ‌ల్ చేస్తున్నాయి.

ఏ పండగ అయినా అందరిలా కాకుండా సినీ ప్రముఖులు డిఫ‌రెంటుగా జరుపుకునేందుకు ఆస‌క్తిని క‌న‌బ‌రుస్తారు. అదే మెగా ఫామిలీ అయితే ఇంకా డిఫ‌రెంట్ గా వైబ్రేంట్ గా సెలబ్రేట్ చేయ‌డం చూస్తున్న‌దే. ఈసారి రామ్ చ‌ర‌ణ్- ఉపాసన దంప‌తులు క్రిస్మ‌స్ ని వెరైటీగా సెల‌బ్రేట్ చేసారు.

మెగా ప‌వ‌ర్ స్టార్ రామ్ చ‌ర‌ణ్ ముద్దుల మేనకోడ‌లు నవిష్క‌తో క్రిస్మస్ వేడుక‌లు జరుపుకున్నారు. అంతే కాదు ఇదే రోజు మేన కోడలి బ‌ర్త్ డే వేడుక‌ను సెల‌బ్రేట్ చేశారు. ఈ విష‌యాన్ని చ‌ర‌ణ్ స్వ‌యంగా వెల్ల‌డించారు. శ్రీ‌జ‌-క‌ళ్యాణ్ దేవ్ జంట కుమార్తె న‌విష్క బ‌ర్త్ డే.. క్రిస్మ‌స్ డే ఒకే రోజు కావ‌డంతో ఈవెంట్ ని స్పెష‌ల్ గా ప్లాన్ చేశారు. ప్ర‌స్తుతం బేబి న‌విష్క‌తో పాటుగా చ‌ర‌ణ్ - ఉపాస‌న జోడీ.. క‌ళ్యాణ్ దేవ్- శ్రీ‌జ దంప‌తులు వేడుక‌లు జ‌రుపుకుంటున్న ఫోటోలు అంత‌ర్జాలంలో వైర‌ల్ అవుతున్నాయి.