నిశ్చితార్ధం నాటి 'మెగా' సంగతులు

రామ్ చరణ్ కు ముద్దుగా మిస్టర్ సి అని పేరు పెట్టుకుంది ఆయన భార్య ఉపాసన. మిస్టర్ సీ అలా.. మిస్టర్ సీ ఇలా అంటూ.. బోలెడన్ని అప్ డేట్స్ ఇస్తూ ఉంటుంది. సోషల్ మీడియాలో తెగ యాక్టివ్ గా ఉండే ఈమె సోషల్ యాక్టవిస్ట్ గా కూడా పేరు తెచ్చుకుంది. అటు మెడికల్ ఫీల్డ్ లోను.. ఇటు సామాజిక సేవలోను ముందుండే ఉపాసన.. మెగా పవర్ స్టార్ భార్యగా.. మెగా ఫ్యాన్స్ ను అలరిస్తుండడం విశేషం.

ఎప్పటికప్పుడు కొత్త కొత్త అప్డేట్స్ ను అందించే ఉపాసన.. ఇప్పుడు పాత జ్ఞాపకాలను నెమరువేసుకుంటోంది. పాత ఫోటోలను చూస్తూ ఉంటే.. రామ్ చరణ్ తో నిశ్చితార్ధం నాటి ఫోటో ఒకటి కనిపించిందట. ఆ రోజున అంటే 2012 జూన్ 14 నాటి ఫోటోను షేర్ చేసింది ఉపాసన. ఎంగేజ్మెంట్ రోజున తామిద్దరం కలిసి దిగిన సెల్ఫీని ఇప్పుడు అభిమానులతో పంచుకుందామె. కాసింత కూడా మేకప్ లేని రామ్ చరణ్ కు చెందిన ఐదేళ్ల క్రితం నాటి ఫోటో కావడంతో.. మరీ కుర్రాడిలా కనిపించేస్తున్నాడు. అయినా.. అప్పటికి ఈ హీరోకి 27 ఏళ్ల వయసేలే.

'చాలా కాలం అనంతరం ఈ ఫోటో కనిపించింది' అంటూ కామెంట్ చేసింది ఉపాసన. ఇక చెర్రీ సినిమాల విషయానికి వస్తే.. ప్రస్తుతం సుకుమార్ దర్శకత్వంలో రంగస్థలం 1985ను శరవేగంగా పూర్తి చేస్తున్నాడు. సమంత హీరోయిన్ గా నటిస్తుండగా.. దీపావళి నాటికి ఈ మూవీని రిలీజ్ చేసే యోచనలో యూనిట్ ఉన్నట్లు తెలుస్తోంది.