యూరోప్ టూర్ లో మెగా కపుల్

రామ్ చరణ్ ప్రస్తుతం యూరోప్ టూర్ లో ఉన్నాడు. తన భార్య ఉపాసనతో కలిసి యూరోప్ వెళ్లిన చెర్రీ.. వెకేషన్ ను డిఫరెంట్ గా ప్లాన్ చేసుకున్నాడు. ఎంజాయ్ చేయడం కంటే.. అక్కడి ప్రాంతాలను చుట్టేయడమే పెద్ద పనిగా పెట్టుకున్నారు ఈ జంట.

ఫిట్నెస్ పై రామ్ చరణ్ విపరీతంగా దృష్టి సారిస్తే.. హెల్త్ పై ఉపాసన బాగా అప్డేటెడ్ గా ఉంటుంది. ఈ ఇద్దరూ కలిసి యూరోప్ వెళ్లాక కూడా అదే పనిలో ఉన్నారు. వర్కవుట్స్ చేస్తున్నారు. వర్కవుట్ అంటే జిమ్ లో గడిపేవి కావు.. మంచుకొండల్లో ఏడు గంటల పాటు ట్రెక్కింగ్ అంటే మామూలు విషయమా.. తన భర్త మిస్టర్ సీ తో కలిసి గడిపిన ఇలాంటి అపురూపమైన క్షణాలలో కొన్నిటిని అభిమానులతో పంచుకుంటోంది ఉపాసన. అంతేకాదు.. యూరోప్ లోని తమ స్నేహితులను కూడా కలిసి టైం స్పెండ్ చేస్తున్నారు మెగా పవర్ స్టార్.. భార్య ఉపాసన.

ఇక ఈ యూరోప్ టూర్ కి త్వరలోనే ఎండ్ కార్డ్ వేసేయనున్నాడు చెర్రీ. తిరిగి వచ్చీ రాగానే సుకుమార్ దర్శకత్వంలో రూపొందుతున్న సినిమా షూటింగ్ ప్రారంభించేయనున్నాడు. సమ్మర్ కారణంగా మే నెల అంతా బ్రేక్ ఇచ్చినా.. ఫుల్ స్పీడ్ లో నెక్ట్స్ షెడ్యూల్ షూటింగ్ జరగనుంది. రాజమండి పరిసరాల్లో వేసిన సెట్ లో ఓ ఫైట్ తో పాటు.. కొన్ని సన్నివేశాలు.. ఓ పాటను కూడా చిత్రీకరించనున్నారని తెలుస్తోంది. సెప్టెంబర్ చివరి నాటికి చెర్రీ-సుక్కుల మూవీ షూటింగ్ పూర్తవుతుందని అంటున్నారు కానీ.. దీనిపై చాలానే అనుమానాలున్నాయి.

Like Us on Facebook : https://www.facebook.com/Tupakidotcom/