క్రూర మృగాల మ‌ధ్య ఇంత డేరింగా?

ఓ వైపు షూటింగుల హ‌డావుడి.. మ‌రోవైపు విదేశీ వెకేష‌న్లు.. ఇదీ మ‌న స్టార్ హీరోల స్టైల్. వృత్తిగ‌త ఒత్తిళ్ల‌ను అధిగ‌మించేందుకు ఫ్యామిలీతో విదేశీ ప‌ర్య‌ట‌న‌లు ప్లాన్ చేస్తున్నారంతా. పైగా ఈసారి స‌మ్మర్ మునుప‌టి కంటే ఎక్కువ నిప్పులు కురిపిస్తున్న‌ సంగ‌తి తెలిసిందే. గ్లోబ‌ల్ వార్మింగ్ ప్ర‌భావం కార్పొరెట్ జంగిల్ గా మారిన హైద‌రాబాద్ పై మ‌రింత తీవ్రంగా చూపిస్తోంది. మొత్తానికి కార‌ణ‌మేదైనా మ‌న స్టార్లు అంతా విదేశీ వెకేష‌న్ల‌కు వెళుతున్నారు.

మిస్ట‌ర్ సి & ఉపాస‌న జంట ఏ దేశానికి వెళ్లారు? అంటే.. ఇదిగో ఇదే లైవ్ ప్రూఫ్‌. ఈ జంట ప్ర‌స్తుతం తూర్పు ఆఫ్రికాలో ప‌ర్య‌టిస్తున్నారు. అక్క‌డ వ‌న్య‌మృగాలు న‌డియాడే చోట వైల్డ్ లైఫ్ ఫోటోగ్ర‌ఫీని ఆస్వాధిస్తున్నారు. అందుకోసం ప్ర‌త్యేకించి ఈ జంట‌ ఒక జీప్ లో విహ‌రాహానికి ప్లాన్ చేశారు. చెర్రీ అల్లంత దూరంలో ఉన్న చిరుత‌ను ఫోటోలు తీస్తూ స‌ర్ ప్రైజ్ ఇస్తున్నాడు. అయితే ఈ విహారం వెన‌క ఓ ప్ర‌త్యేక‌మైన సంద‌ర్భం ఉంది. జూన్ 14న‌ చ‌ర‌ణ్- ఉపాస‌న జంట ఏడ‌వ‌ వెడ్డింగ్ యానివ‌ర్శ‌రీ. అయితే ఆర్.ఆర్.ఆర్ షెడ్యూల్స్ వ‌ల్ల అప్పుడు సెల‌బ్రేష‌న్ కుద‌ర‌దు. అందుకే కాస్తంత ముందుగానే ఇలా ఉపాస‌న‌తో క‌లిసి చ‌ర‌ణ్‌ ట్రిప్ వెళ్లార‌ట‌.

ప్ర‌స్తుతం ఈ జంట విహారానికి సంబంధించిన ఫోటోలు సామాజిక మాధ్య‌మాల్లో జోరుగా వైర‌ల్ అవుతున్నాయి. ఈ ట్రిప్ ముగించుకుని రాగానే తిరిగి ఆర్.ఆర్.ఆర్ సెట్స్ లో జాయిన్ అవ్వాల్సి ఉంటుంది. రామ్ చ‌ర‌ణ్ - ఎన్టీఆర్ - రాజ‌మౌళి కాంబినేష‌న్ లో తెర‌కెక్కుతున్న ఆర్.ఆర్.ఆర్ 2020 లో రిలీజ‌వుతున్న సంగ‌తి తెలిసిందే.