రాత్రి ఉపాసనకు నిద్రపట్టలేదట

టాలీవుడ్ లో 2018 మొదటి బాక్స్ ఆఫీస్ హిట్ ను మొదట అనుష్క అందుకుందనే చెప్పాలి. దాదాపు అన్ని వర్గాల ప్రేక్షకులకు భాగమతి సంతృప్తి పరచిందనేది ప్రస్తుతం టాలీవుడ్ నడుస్తున్న హాట్ టాపిక్. అంతే కాకుండా ఇటు నిర్మాతలకు అటు బయ్యర్లకు సినిమా మంచి లాభాలను అందించింది. ముఖ్యంగా సినిమాలో అనుష్క నటన బాగా క్లిక్ అయ్యింది. అందుకు తగ్గట్టు బాక్ గ్రౌండ్ మ్యూజిక్ ఇచ్చిన థమన్ కూడా హర్రర్ స్పెషలిస్ట్ అని మరోసారి నిరూపించుకున్నాడు.

అయితే సినిమాను అన్ని వర్గాల ప్రేక్షకులతో పాటు టాలీవుడ్ సినీ ప్రముఖులు కూడా చూశారు. కొందరైతే స్పెషల్ షో వేసుకొని మరి చూశారు. ఇక రీసెంట్ గా మెగా పవర్ స్టార్ రామ చరణ్ తన సతీమణి ఉపాసనతో కలిసి భాగమతి స్పెషల్ షో చూశాడట. ఆ విషయాన్ని సోషల్ మీడియా ద్వారా అభిమానులతో పంచుకున్నాడు. రాత్రంతా మా శ్రీమతి గారు నిద్రపోలేదు అంటూ చరణ్ చెప్పడం బలే సరదాగా ఉందంటూ మెగా అభిమానులు కామెంట్స్ చేస్తున్నారు.

ఇంకా చరణ్ ఏమన్నాడంటే.. సినిమా నిజంగా చాలా బావుంది. ముఖ్యంగా అనుష్క నటన అయితే మైండ్ బ్లోయింగ్. గ్రేట్ టెక్నీకల్ అండ్ ప్రొడక్షన్ వాల్యూస్. టీమ్ అందరు బాగా వర్క్ చేశారు. అందరికీ శుభాకాంక్షలు అంటూ..మా శ్రీమతి గారు రాత్రి నిద్రపోలేదు. థ్యాంక్యూ మూవీ అని సరదాగా స్పందించాడు. దీంతో నెటీజన్స్ కూడా ఎవరి స్టైల్ లో వారి చాలా పాజిటివ్ గా కామెంట్స్ చేస్తూ.. పోస్ట్ ని షేర్ చేస్తున్నారు.