మెగాపవర్ స్టార్ అటు.. స్టైలిష్ స్టార్ ఇటు

ఇప్పుడు అందరి దృష్టి డిసెంబర్ 21 మీదే ఉంది. డబ్బింగ్ సినిమా 'కెజీఎఫ్' సంగతి పక్కన బెడితే రెండు స్ట్రెయిట్ తెలుగు సినిమాలు ప్రేక్షకుల్లో భారీ ఆసక్తిని రేకెత్తిస్తున్నాయి. అవి శర్వానంద్ 'పడి పడి లేచే మనసు'.. వరుణ్ తేజ్ 'అంతరిక్షం 9000 kmph'. ఒకటేమో ప్యూర్ లవ్ స్టొరీ అయితే రెండో సినిమా తెలుగు సినిమాకు పూర్తి గా కొత్త అయిన స్పేస్ థ్రిల్లర్. ఇప్పటికే ఈ రెండు సినిమాల ప్రమోషన్లు కూడా స్టార్ట్ అయ్యాయి.

రెండు సినిమాలప ఉన్న క్రేజును మరింతగా పెంచేందుకు ప్రమోషన్స్ లో జోరు పెంచుతున్నారు. డిసెంబర్ 18 న 'అంతరిక్షం' ప్రీరిలీజ్ ఈవెంట్ ను జరపడానికి ముహూర్తం ఫిక్స్ చేశారు. ఈ కార్యక్రమానికి ముఖ్యఅతిథిగా మెగా పవర్ స్టార్ రామ్ చరణ్ హాజరువుతాడని 'అంతరిక్షం' టీమ్ ఇప్పటికే ప్రకటించింది. ఇదిలా ఉంటే 'పడి పడి లేచే మనసు' ప్రీ రిలీజ్ ఈవెంట్ కు స్టైలిష్ స్టార్ అల్లు అర్జున్ ఛీఫ్ గెస్ట్ గా హాజరవుతానని హామీ ఇచ్చాడట.

చరణ్ కు శర్వానంద్ చిన్ననాటి స్నేహితుడే కాదు ఇప్పటికీ క్లోజ్ ఫ్రెండే. చరణ్ అటు తమ్ముడు వరుణ్ తేజ్ సినిమా కోసం ముఖ్య అతిథి గా వెళ్తుంటే ఇటు చరణ్ ఫ్రెండ్ ఈవెంట్ ను బావ అల్లు అర్జున్ కవర్ చేస్తున్నాడన్నమాట. ఇక బన్నీ.. చెర్రీలు ఈ ఈవెంట్లలో ఎలాంటి స్పీచులు ఇస్తారోనని అభిమానులు ఆసక్తిగా ఎదురుచూస్తున్నారు.