ట్రైలర్ టాక్ : రఫ్పాడించేసిన బ్రూస్ లీ

మెగాఫ్యాన్స్ ఎదురుచూస్తున్న బ్రూస్ లీ ట్రైలర్ వచ్చేసింది. శ్రీనువైట్ల డైరెక్షన్ లో రామ్ చరణ్ తొలిసారిగా చేస్తున్న మూవీ.. బ్రూస్ లీ ది ఫైటర్. మొదటిసారిగా రకుల్ ప్రీత్ తో రొమాన్స్ చేశాడు చరణ్.

పంచ్ డైలాగ్స్, ఫ్యామిలీ డ్రామా, కామెడీ, సెంటిమెంట్ సీన్లతో నింపేశారు బ్రూస్ లీ ట్రైలర్ ని. చరణ్ లుక్స్ కానీ, డ్యాన్స్ లు కానీ, ఫైటింగ్, యాక్షన్ సీక్వెన్స్ లు అదిరిపోయాయి. ఒక్క మాటలో చెప్పాలంటే.. చిరు చెప్పినట్లు ఫుల్ మీల్స్ లానే ఉంది బ్రూస్ లీ ట్రైలర్. కుటుంబం కోసం పైట్ చేసే ఓ స్టంట్ మాస్టర్ స్టోరీ అని, ఫ్యామిలీ కోసం ఎంత కష్టాన్నైనా ఫేస్ చేసే కేరక్టర్ ని చరణ్ చేస్తున్నాడు. విలన్ గా సీనియర్ నటుడు విజయ్ కుమార్ కొడుకు.. అరుల్ పోషిస్తుండడం విశేషం. రకుల్ ఒలకపోసిన గ్లామర్ చూస్తే.. ప్రేక్షకులకు పిచ్చెక్కిపోవడం ఖాయం.

మనోజ్ పరమహంస కెమేరా పనితనం సూపర్ గా ఉండగా.. తమన్ ఇచ్చిన సాంగ్స్, బ్యాక్ గ్రౌండ్ స్కోర్ వండ్రఫుల్.. అంతకు మించి అనేట్లుగా ఉన్నాయి. కోన వెంకట్, గోపీ మోహన్ లు.. పంచ్ లతో పిచ్చెక్కించేస్తారని ట్రైలర్ లో ప్రతీ డైలాగ్ చెబ్తోంది. మొత్తానికి.. బ్రూస్ లీ ఫుల్ మీల్సే ఖచ్చితంగా... చరణ్‌ చాలా రోజుల తరువాత రఫ్ఫాడించేశాడు.