చరణ్ చూస్తోంది సైరానేనా?

ఇవాళ ఉపాసన తన సోషల్ మీడియాలో షేర్ చేసుకున్న రామ్ చరణ్ పిక్ ఒకటి ఆన్ లైన్ లో రచ్చ రచ్చ చేస్తోంది. అందులో ఎయిర్ పోర్ట్ లో తన ఫోన్ లో చెర్రీ ఏదో చూసుకుంటూ ముసిముసి నవ్వుతో మురిసిపోతున్న ఫోజు చూసి అసలు ఆ ఫోన్ లో ఏముందా అనే ఆసక్తితో మెగా ఫాన్స్ దానికి రకరకాల ఉపమానాలు ఇవ్వడం మొదలుపెట్టారు. కొందరు సైరా ఫస్ట్ లుక్ రెడీ అయ్యిందని చరణ్ దానినే చూసుకుంటూ ఆనందంతో స్మైల్ ఇచ్చాడని మరొకరు కాదు కాదు బోయపాటి శీను సినిమా హీరోయిన్ కియారా అద్వానీతో ఏదో చాట్ చేస్తున్నాడని ఇలా రకరకాలుగా ఎవరికి తోచిన రీతిలో వాళ్ళు ఎనాలిసిస్ చేస్తున్నారు. అసలే ట్విట్టర్ లో ఆర్ సి 12 ఫస్ట్ లుక్ కావాలి అంటూ చరణ్ ఫాన్స్ ట్రెండ్ చేస్తున్నారు. ఇప్పుడు ఈ ఫోటో చూసినప్పుడు వాళ్ళ ఉత్సాహం రెట్టింపు కావడంలో ఆశ్చర్యం లేదు.

ఈ నెల 22న చిరంజీవి పుట్టిన రోజు. నిజానికి బోయపాటి శీను-చరణ్ సినిమా ఫస్ట్ లుక్ ఆ రోజు విడుదల చేస్తారని గతంలో ప్రకటించారు కానీ సైరా కోసం ఆ ప్రతిపాదన డ్రాప్ అయినట్టు తర్వాత తెలిసింది. ఇప్పుడు సైరా ఫస్ట్ లుక్ మాత్రమే వస్తుందా లేక టీజర్ కూడా ఉంటుందా అనే సందేహం మరో పది రోజుల్లో తేలిపోతుంది. లీక్ అయిన పిక్స్ లో తప్ప సైరా నరసింహరెడ్డిగా చిరు లుక్ ఎలా ఉండబోతోంది అనే క్లారిటీ ఇప్పటికీ లేదు. సో తన స్వంత సినిమా అందులోనూ 150 కోట్ల బడ్జెట్ తో రూపొందుతున్న నాన్న ప్రెస్టీజియస్ మూవీ కాబట్టి దాని తాలూకు అప్ డేట్ నే చరణ్ చూసుకుని మురిసిపోతున్నాడు అనేదే అభిమానుల కంక్లూజన్ - ఏదేమైనా ఫస్ట్ లుక్ కాదు కానీ ఇలా ఎయిర్ పోర్ట్ లుక్ అయినా దక్కిందిగా అంటూ ఫాన్స్ తాత్కాలికంగా సర్దుకుంటున్నారు.