వావ్.. చిట్టిబాబుతో రియల్ చిట్టెమ్మ

టాలీవుడ్ అంతా ఆసక్తిగా ఎప్పటినుండో ఎదురు చూస్తున్న సినిమా రంగస్థలం. రంగస్థలం గురించి ఎలాంటి చిన్న అప్డేట్ బయటికి వచ్చినా వైరల్ అయిపోతున్న విషయం తెల్సిందే. అలాంటిది మెగా పవర్ స్టార్ భార్య ఉపాసన నే ఒక అప్డేట్ ఇస్తే ఎలా ఉంటుంది.

సోషల్ మీడియా లో యాక్టీవ్ గా ఉండే ఉపాసన ఎప్పుడు తన ఫాలోయర్స్ కు వారి పెర్సనల్ మరియు ప్రొఫెషనల్ లైఫ్స్ గురించి అప్డేట్స్ ఇస్తూనే ఉంటుంది. అలానే ఈమధ్యనే రంగస్థలం గురించి చెప్పిన ఒక వార్త వైరల్ గా మారింది. రాంచరణ్ షూటింగ్ అయిపోయింది అంటూ పెట్టిన ఫోటో చాలా క్యూట్ గా ఉంది. చిట్టిబాబు లా రెడీ అయి ఉన్న చెర్రీ పక్కన నిలబడి ఉంది ఉపాసన. "చిట్టిబాబు షూటింగ్ అయిపోయింది. మార్చ్ 30న మీరేం చెప్పాలి అనుకుంటున్నారో వినడానికి ఎదురుచూస్తున్నాడు" అంటూ చెప్పుకొచ్చింది. అయితే తన రియల్ లైఫ్‌ చిట్టెమ్మతో రీల్ చిట్టిబాబు భలే ఉన్నాడు అంటూ అందరూ కామెంట్లు చేయడం ఇక్కడ గమనించాల్సిన విషయం. నిజంగానే ఇద్దరూ భలే క్యూట్ గా ఉన్నారులే.

ఇకపోతే సౌండ్ ఇంజినీర్ చిట్టిబాబు గా రామ్ చరణ్, విల్లేజ్ బ్యూటీ రామలక్ష్మి గా సమంత సినిమా పై అంచనాలను ఒక రేంజ్ కి తీసుకెళ్లిపోయారు. మార్చ్ 30 న విడుదల కి సిద్ధంగా ఉన్న ఈ సినీమా కోసం మూవీ యూనిట్ కె కాక ఫాన్స్ కూడా ఎదురు చూస్తున్న సంగతి తెలిసిందే.