చిట్టిబాబు వ్యాఖ్యలకు మురిసి పోయిన రామలక్ష్మి

రాజమౌళి దర్శకత్వంలో రూపొందిన ఆర్ ఆర్‌ ఆర్‌ సినిమా విడుదలకు సిద్దం అయ్యింది. హీరోలు రామ్‌ చరణ్ మరియు ఎన్టీఆర్‌ లు కంటిన్యూస్ గా రెండు మూడు వారాలుగా ప్రమోషనల్‌ కార్యక్రమాల్లో పాల్గొంటున్నారు. దేశ వ్యాప్తంగా కూడా చిత్ర యూనిట్‌ సభ్యులు చక్కర్లు కొడుతూ సినిమాను ప్రమోట్‌ చేస్తున్నారు. సినిమా విడుదలకు తేదీ దగ్గర పడుతున్న సమయంలో మరింతగా స్పీడ్ పెంచారు. జాతీయ స్థాయి మీడియా సంస్థల నుండి మొదలుకుని ప్రాంతీయ భాష న్యూస్‌ ఛానెల్స్ మరియు ఇతర మీడియా సంస్థల వరకు అందరికి కూడా ఈ హీరోలు ఇద్దరు ఇంటర్వ్యూలు ఇస్తున్నారు. వీరు మీడియా ముందుకు వచ్చి చాలా కాలం అయ్యింది. దాంతో వీరు చేస్తున్న వ్యాఖ్యలు మరియు వీరు మాట్లాడుతున్న మాటలు రెగ్యులర్‌ గా సోషల్‌ మీడియాలో వైరల్‌ అవుతూనే ఉన్నాయి.

తాజాగా ఒక ఇంటర్వ్యూలో రామ్‌ చరణ్‌ ను యాంకర్‌ ప్రశ్నిస్తూ సమంత గురించి చెప్పాలనడంతో ఇంట్రెస్టింగ్‌ కామెంట్స్ చేశాడు. సమంత కమ్‌ బ్యాక్‌.. బిగ్గర్‌.. మరియు స్ట్రాంగర్ అన్నాడు. సమంత గురించి ఈ మూడు పదాలు రామ్‌ చరణ్ చెప్పడం ఆమె అభిమానులకు ఆనందం కలిగించింది. చరణ్‌ చెప్పింది మూడు పదాలే అయినా కూడా ఆమె ను పూర్తిగా ఆ మూడు పదాలు వ్యక్తం చేస్తున్నాయని విశ్లేషకులు చెబుతున్నారు. సమంత గురించి చరణ్ చెప్పిన ఆ విషయాలను సోషల్‌ మీడియాలో అభిమానులు షేర్‌ చేస్తున్నారు. ఒకరు షేర్‌ చేసిన వీడియోకు సమంత రియాక్ట్‌ అయ్యింది.

రామ్‌ చరణ్ కామెంట్స్ కు మాటలు లేవు అన్నట్లుగా కేవలం లవ్ ఈమోజీలను షేర్ చేసి తన ఆనందంను వ్యక్తం చేసింది. ఒక స్టార్ హీరో నుండి అలాంటి ప్రశంసలు అందుకోవడం చిన్న విషయం ఏమీ కాదు. సమంత ఆ విషయంలో చాలా లక్కీ అన్నట్లుగా అభిమానులు కామెంట్స్ చేస్తున్నారు. రామ్‌ చరణ్ మరియు సమంతలు కలిసి రంగ స్థలం చిత్రంలో చిట్టిబాబు మరియు రామలక్ష్మిలు గా నటించి మెప్పించిన విషయం తెల్సిందే. ఆ పాత్రల్లో వారు జీవించేసిన తీరు అందరికి నచ్చేసింది. అందుకే రంగస్థలం సినిమా భారీ బ్లాక్ బస్టర్ విజయాన్ని సొంతం చేసుకున్న విషయం తెల్సిందే. రంగస్థలం సినిమా తర్వాత మళ్లీ వీరిద్దరి కాంబోలో సినిమా రావాలని అభిమానులు కోరుకుంటున్నారు. సమంత సెకండ్‌ ఇన్నింగ్స్ మొదలు పెట్టింది కనుక చరణ్ సినిమా లో ఆమె కనిపిస్తుందేమో చూడాలి.