చెర్రీ ఆ షోస్ లేవని తేల్చేశాడు!!

రామ్ చరణ్ ధృవకు ఇవాళ ప్రీరిలీజ్ పండుగ జరగబోతోంది. ఆడియో ఫంక్షన్ చేయకుండానే పాటలు మార్కెట్లోకి విడుదల చేసేయడంతో.. ఈ రోజు భారీగా ప్రీ రిలీజ్ ఈవెంట్ జరుపబోతున్నారు. హైద్రాబాద్ లోని యూసఫ్ గుడా పోలీస్ గ్రౌండ్స్ లో జరిగే ఈ కార్యక్రమానికి భారీ ఎత్తున ఏర్పాట్లు జరిగాయి.

వచ్చే శుక్రవారం ధృవ థియేటర్లలోకి రావడం ఖాయం. ఇప్పటికే రాష్ట్రవ్యాప్తంగా ఫ్లెక్సీలు.. బ్యానర్ లు కట్టేశారు. అయితే.. ఈ మధ్య ఇలాంటి భారీ బడ్జెట్ చిత్రాలకు.. ముందు రోజు నుంచో.. రిలీజ్ రోజు అర్ధరాత్రి నుంచో స్పెషల్ షోస్ వేస్తున్నారు. బ్రూస్ లీకి కూడా ఇలాగే వేశారు. కానీ అది శుక్రవారం కలెక్షన్స్ పై విపరీతమైన ప్రభావం చూపింది. అందుకే తన సినిమాలకు ఇలాంటి ప్రీ రిలీజ్ డేట్ షోస్.. మిడ్ నైట్ షోస్ వేయకూడదని డిసైడ్ అయ్యాడట చరణ్.

కానీ అభిమానులు మాత్రం ఒక విషయంలో రిలీఫ్ పొందచ్చు. డిసెంబర్ 9న ఉదయం 6 గంటల నుంచి మాత్రం షోస్ పడతాయి. వాటికి ప్రిపేర్ అయిపోవచ్చు అభిమానులు.

Like Us on Facebook : https://www.facebook.com/Tupakidotcom/