#నిహారిక పెళ్లి.. చెర్రీతో కొత్త జంట‌ స్టెప్పులే స్టెప్పులు

మెగా వెడ్డింగ్ సంబ‌రాలు పీక్స్ కి చేరుకున్నాయి. రాజ‌స్థాన్ ఉద‌య్ పూర్ లో రెండ్రోజుల సెల‌బ్రేష‌న్ మాంచి జోష్ తో సాగుతోంది. రేప‌టి (బుధ‌వారం) సాయంత్రం నిహారిక‌- చైత‌న్య జంట మూడు ముళ్ల బంధంతో ఒక‌ట‌య్యే వేళ‌. ప్ర‌స్తుతం ప్రీవెడ్డింగ్ సెల‌బ్రేష‌న్ లో సంగీత్ వేడుక‌ క‌న్నుల పండువ‌గా సాగుతోంది.

ఈ వేడుక‌ల్లో మెగా ఫ్యామిలీ పూర్తి చిలౌట్ మూవ్ మెంట్ లో ఉంది. మెగా హీరోలంతా కొలువు దీరి ఈ వేదిక‌కు ప్ర‌త్యేక ఆక‌ర్ష‌ణ‌ను తెచ్చారు. ఇంత‌కుమందు వ‌ధూవ‌రుల డ్యాన్సుల వీడియోలు విడుద‌లై వైర‌ల్ అయ్యాయి.

కాసేప‌టి క్రితం అన్న‌య్య వ‌రుణ్ తేజ్ హ‌బ్బీ చైత‌న్య‌ల‌తో క‌లిసి నిహారిక ఎంతో అల్లరి చేస్తున్న వీడియోలు సోష‌ల్ మీడియాల్లో వైర‌ల్ అయ్యాయి. ఇప్పుడు లేటెస్టుగా అన్న‌య్య రామ్ చ‌ర‌ణ్ తో క‌లిసి స్టెప్పులేస్తున్న ఫోటోలు వీడియోలు అంత‌ర్జాలాన్ని హీటెక్కిస్తున్నాయి. వ‌ధూవ‌రులు మ‌గ‌ధీరుడితో క‌లిసి స్టెప్పులేస్తూ మాంచి జోష్ చూపిస్తున్న ఈ ఫోటో మెగాభిమానుల్లోకి దూసుకెళ్లింది. ఈ పెళ్లిలో చ‌ర‌ణ్ - ఉపాస‌న జంట ప్ర‌త్యేక ఆక‌ర్ష‌ణ‌గా నిల‌వ‌నున్నారు.