మగధీరలో డాడీ.. ఖైదీలో కొడుకు

మెగాస్టార్ 150వ సినిమాగా తెరకెక్కుతున్న ఖైదీ నెంబర్ 150కి.. రామ్ చరణ్ నిర్మాత అనే సంగతి తెలిసిందే. ఒక పాట.. కొంత ప్యాచ్ వర్క్ మినహా.. దాదాపు షూటింగ్ కంప్లీట్ అయిపోగా.. పోస్ట్ ప్రొడక్షన్ పనులు కూడా ఇప్పటికే జరిగిపోతున్నాయి. మరోవైపు ఆడియో ఫంక్షన్ ని మెగా ఫ్యామిలీ మెంబర్స్ అంతా ఉండేలా గ్రాండ్ గా సెలబ్రేట్ చేయడానికి ఏర్పాట్లు జరుగుతున్నాయి.

ఖైదీ నెంబర్ 150కి మరిన్ని ఆకర్షణలు జోడించడంతో పాటు.. ఈ మూవీలో తాను కూడా భాగం కావాలని భావించాడట చెర్రీ. నిర్మాతగా మాత్రమే కాకుండా.. ఒక్కసారైనా కనిపించాలన్నది చెర్రీ యోచన. అందుకే చిన్న బిట్ కి డ్యాన్స్ వేసిన సినిమాలో యాడ్ చేసినట్లు తెలుస్తోంది. చిరుతో కలిసి కాకపోయినా.. విడిగా ఈ డ్యాన్స్ బిట్ ఉంటుందని అంటున్నారు. చిరుతో కలిసి ఓ పాటలో భాగంగా వస్తుందని కొందరు అంటుంటే.. ఎండ్ టైటిల్ కార్డ్స్ లో ఈ అట్రాక్షన్ జోడిస్తారనే టాక్ కూడా ఉంది.

అప్పట్లో కొడుకు చరణ్ సినిమా మగధీరలో డాడీ చిరంజీవి ఇలా కనిపించి మెరిపించి మాయమైతే.. ఇప్పుడు తండ్రి నటిస్తున్న సినిమాలో రామ్ చరణ్ స్టెప్ వేసి బదులు తీర్చేసుకుంటున్నాడన్న మాట.

Like Us on Facebook : https://www.facebook.com/Tupakidotcom/