చిరు కుమ్ముడులో తమ్ముడు చరణేనా?

మెగాస్టార్ చిరంజీవి కం బ్యాక్ మూవీ ఖైదీ నెంబర్ 150 ఇప్పటికే చాలా సెన్సేషన్స్ కు వేదికగా మారింది. టీజర్ రికార్డులతో పాటు.. ఓ ఆడియో సాంగ్‌కు 4మిలియన్లకు పైగా వ్యూస్ సాధించి 'అమ్మడు లెట్స్ డు కుమ్ముడు' చరిత్ర సృష్టిస్తోంది. ఇప్పుడీ పాటకు సంబంధించి కొత్త అప్డేట్ ఒకటి మెగా ఫ్యాన్స్ ను ఊపేస్తోంది.

ఈ పాటలో ఓ చోట తమ్ముడు లెట్స్ డు కుమ్ముడు అంటూ చిరు వాయిస్ తో ఓ లైన్ ఉంటుంది. అక్కడ వచ్చే తమ్ముడు ఎవరు అనే ప్రశ్నకు ఇంకా ఆన్సర్ దొరకలేదు. పవర్ స్టార్ పవన్ కళ్యాణ్ కనిపిస్తాడని ఇప్పటికే ఓ టాక్ ఉంది. కానీ ప్రస్తుతం పవన్ పొలాచ్చిలో కాటమరాయుడు షూటింగ్ లో ఉన్నాడు. మరోవైపు పొలిటికల్ యాక్టివిటీస్ లో కూడా స్పీడ్ పెంచాడు ఈ ఫరిస్థితిలో పవన్ ఆ తమ్మడు రోల్ లో కనిపించే అవకాశాలు తక్కువే అని తెలుస్తోంది. అందుకే ఇక్కడ కుమ్మేసే తమ్ముడిగా రామ్ చరణ్ రానున్నాడట. తమ్ముడు అని పిలవగానే రామ్ చరణ్ వచ్చేసి.. చిరు-చెర్రీ లు ఇద్దరూ కలిసి డ్యాన్సులు వేస్తారని తెలుస్తోంది.

తండ్రీ కొడుకులు ఇద్దరూ కలిసి స్టెప్పులు వేసే సీన్ మెగా ఫ్యాన్స్ కి స్పెషల్ ట్రీట్ అనే చెప్పాలి. పైగా లుక్స్ లో థర్టీస్ లోకి మారిపోయిన చిరు.. రామ్ చరణ్ తో పోటీ పడుతున్నాడనే టాక్ ఇప్పటికే ఉంది. ఏమైనా పక్కపక్కనే చిరంజీవి-రామ్ చరణ్ లు డ్యాన్సులు వేస్తుంటే.. ఆ సీన్ అద్దిరిపోద్దిలే.

Like Us on Facebook : https://www.facebook.com/Tupakidotcom/