ధృవ.. ప్రీమియర్ టికెట్స్ సేల్ కాలేదా?

రామ్ చరణ్ ధృవ కోసం ఎంత స్పెషల్ గా కేర్ తీసుకుంటున్నాడో కనిపిస్తూనే ఉంది. తెలుగు రాష్ట్రాల్లోనూ కర్నాటక లాంటి ఏరియాల్లోనూ తిరుగులేని మార్కెట్ ఉన్న మెగాపవర్ స్టార్ కి.. ఓవర్సీస్ లో సత్తా చాటలేకపోవడం కాస్త ఇబ్బంది పెడుతోంది. అందుకే ఓవర్సీస్ లో ధృవ ప్రమోషన్స్ కి అటెండ్ అవుతూ.. గురువారం న్యూజెర్సీలో ప్రదర్శించే ఓ ప్రీమియర్ కి కూడ హాజరు కానున్నాడు చెర్రీ.

ఈ స్పెషల్ ప్రీమియర్ కి టికెట్ ను 100 డాలర్లుగా నిర్ణయించారట. అయితే.. ఇది చాలా పెద్ద అమౌంట్ కావడంతో.. చరణ్ అటెండ్ అయ్యే ప్రీమియర్ కి కూడా టికెట్స్ పూర్తిగా సేల్ కాలేదని చెప్పుకుంటున్నారు. మొత్తం 202 ఏరియాల్లో రిలీజ్ చేస్తూ.. అన్ని ప్రాంతాల్లోనూ ప్రీమియర్స్ ను వేస్తున్న తొలి చిత్రంగా ధృవ రికార్డ్ సృష్టించబోతోంది. కానీ.. టికెట్ రేట్ నార్మల్ గా ఉన్న మిగతా ఏరియాల్లో రెస్పాన్స్ బాగానే ఉన్నా.. 100 డాలర్ల టికెట్ నిర్ణయించిన ఏరియాలో మాత్రం రెస్పాన్స్ తక్కువగా ఉందిట.

ఈ ప్రీమియర్ కి రామ్ చరణ్ వస్తుండడం.. టికెట్ల విక్రయాలు పూర్తి కాకపోవడంతో ఓవర్సీస్ డిస్ట్రిబ్యూటర్ కంగారు పడుతున్నట్లు తెలుస్తోంది. ఇప్పటికే చెర్రీ అమెరికాకు బయల్దేరి వెళ్లిపోయాడనే విషయం తెలిసిందే కదా.!