చరణ్..ఇది నిజమేనా?

టాలీవుడ్ మెగా పవర్ స్టార్ రామ్ చరణ్ ధృవ సినిమా నుంచి చాలా కొత్తగా సినిమాలను ఒకే చేస్తున్నాడు. రెగ్యులర్ కమర్షియల్ సినిమాలను కాకుండా కథలో ఒక కొత్త పాయింట్ ఉంటేనే ఒకే చేస్తున్నాడు. అలాగని కమర్షియల్ ఫార్మాట్ ని మరువడం లేదు. మెగా అభిమానులకు నచ్చేట్లు సినిమాను చేస్తున్నాడు. ప్రస్తుతం చెర్రీ రంగస్థలం సినిమాలో నటిస్తున్నాడు. ఆ సినిమా ఏ తరహాలో తెరకెక్కుతుందో ప్రత్యేకంగా చెప్పనక్కర్లేదు.

అయితే ఈ సినిమా తరువాత చరణ్ బోయపాటి దర్శకత్వంలో కమర్షియల్ కథని ఒకే చేశాడు. కానీ ఈ సినిమా చాలా డిఫెరెంట్ గా ఉంటుందని చిత్ర యూనిట్ చెబుతోంది. ముఖ్యంగా చరణ్ రెండు డిఫెరెంట్ క్యారెక్టర్స్ లో కనిపిస్తాడు అని రీసెంట్ గా చెప్పిన విషయమే. అలాగే రాజస్థాన్ వంటి ప్రాంతాల్లో సినిమా 70% షూటింగ్ ను జరుపనున్నారు అనే విషయం కూడా తెలిసిందే. ఇక లేటెస్ట్ అప్డేట్ ఏంటంటే.. సినిమాలో రెండు సినిమాల ఛాయలు కనిపిస్తాయని తెలుస్తోంది. 1991 లో మెగాస్టార్ నటించిన రౌడి సినిమా ఎంత పెద్ద హిట్ అయ్యిందో ప్రత్యేకంగా చెప్పనక్కర్లేదు. ఆ సినిమాలో మెగాస్టార్ మాస్ లుక్ లో ఆటో జానీగా అలాగే క్లాస్ లుక్ లో కళ్యాణ్ గా డ్యూయల్ రోల్ చేసి చాలా ఆకట్టుకున్నాడు.

అయితే అదే తరహాలో చరణ్ కూడా డబుల్ యాక్షన్ లో అలరిస్తాడట. అంతే కాకుండా బాలివుడ్ లో వచ్చిన ప్రేమ రతన్ ధన్ పాయో సినిమా ఆనవాళ్లు కూడా అందులో ఉంటాయట. సల్మాన్ ఖాన్ నటించిన ఆ సినిమా తెలుగులో అనువాదం అయ్యింది. ఆ సినిమాకు చరణ్ సల్మాన్ ఖాన్ క్యారెక్టర్ కి వాయిస్ ఓవర్ కూడా ఇచ్చాడు. అయితే ఇప్పుడు తన తండ్రి సినిమాను అలాగే బాలీవుడ్ హిట్ సినిమాను చెర్రీ ఫాలో అవుతున్నాడు అని రూమర్స్ వస్తున్నాయి. మరి ఇది ఎంతవరకు నిజమో తెలియాలంటే మరికొన్ని రోజులు ఆగాల్సిందే.