ఫ్యాన్స్‌కి చెర్రీ ద‌స‌రా గిఫ్ట్!

`రంగ‌స్థ‌లం` చిత్రంతో `నాన్ బాహుబ‌లి` రికార్డులు అందుకున్న రామ్‌చ‌ర‌ణ్ .. ఆ త‌ర్వాత‌ వెంట‌నే మాస్ డైరెక్ట‌ర్ బోయ‌పాటి శ్రీ‌ను దర్శ‌క‌త్వంలో సినిమా చేస్తున్న సంగ‌తి తెలిసిందే. మెగా కాంపౌండ్ హీరో బ‌న్నికి `స‌రైనోడు` లాంటి బ్లాక్‌బ‌స్ట‌ర్‌ని ఇచ్చిన బోయ‌పాటి ఈసారి చ‌ర‌ణ్‌కి అంత‌కుమించిన పెద్ద హిట్ ఇవ్వాల‌న్న పంతంతో ఉన్నాడు. ప్ర‌స్తుతం ఆర్‌సి 12 శ‌ర‌వేగంగా పూర్త‌వుతోంది. ఈ సినిమాకి `విన‌య విధేయ రామా` అనే టైటిల్‌ని ఫిక్స్ చేశార‌న్న టాక్ వినిపిస్తోంది. అయితే ఇప్ప‌టికి ఇంకా అధికారికంగా ప్ర‌క‌టించ‌లేదు.

తాజా స‌మాచారం ప్ర‌కారం.. ఆర్‌సి 12 టైటిల్, ఫ‌స్ట్‌లుక్‌ లాంచ్ కి టీమ్ స‌న్నాహాలు చేస్తోందని స‌మాచారం. ఇదివ‌ర‌కూ అజ‌ర్ భైజాన్ (యూర‌ప్‌) షెడ్యూల్లో భారీ యాక్ష‌న్ ఎపిసోడ్స్ తెర‌కెక్కించారు. అటుపై వైజాగ్ లో ఓ షార్ట్ షెడ్యూల్‌ని పూర్తి చేసి హైద‌రాబాద్‌కి టీమ్ రిట‌ర్న్ వ‌చ్చింద‌ని తెలుస్తోంది. ఈ ద‌స‌రా కానుక‌గా ఈనెల 19న ఫ‌స్ట్ లుక్‌ని లాంచ్ చేస్తార‌ట‌.

మ‌రోవైపు 2019 సంక్రాంతి కానుకగా ఈ చిత్రాన్ని రిలీజ్ చేయ‌నున్నామ‌ని నిర్మాతలు ప్ర‌క‌టించారు. అయితే ఇంత‌వ‌ర‌కూ ప్ర‌మోష‌న్స్ ప‌రంగా జీరో. అందుకే ఇక‌పై ప్ర‌చారంతో వేడి పెంచాల‌ని టీమ్ భావిస్తోందిట‌. సంక్రాంతి బ‌రిలో చెర్రీ ఠ‌ఫ్ కాంపిటీష‌న్‌ని ఎదుర్కోనున్నాడు. నంద‌మూరి బాల‌కృష్ణ న‌టిస్తున్న `ఎన్టీఆర్- క‌థానాయ‌కుడు`, విక్ట‌రీ వెంక‌టేష్‌- వ‌రుణ్ తేజ్ హీరోలుగా న‌టిస్తున్న `ఎఫ్ 2` , అజిత్ విశ్వాసం చిత్రాలు సంక్రాంతి బ‌రిలో రిలీజ్ కానున్నాయి. ఈ నేప‌థ్యంలో చ‌ర‌ణ్ సినిమాకి కాంపిటీష‌న్ భారీగానే ఉంటుంద‌ని అర్థ‌మ‌వుతోంది. పైగా కాంపిటీట‌ర్‌తో పోలిస్తే త‌న సినిమాకి ప్ర‌చారం కూడా స‌రిగా లేదు. అందుకే ప్ర‌మోషన్స్‌లో వేగం పెంచాల‌ని చ‌ర‌ణ్ అండ్ టీమ్ భావిస్తున్నార‌ట‌. ఈ చిత్రంలో కియారా అడ్వాణీ కథానాయికగా న‌టిస్తోంది. డీవీవీ ఎంటర్‌టైన్‌మెంట్స్‌ పతాకంపై దానయ్య నిర్మిస్తున్నారు. నవంబరు ఆఖరుకి చిత్రీక‌ర‌ణ‌ పూర్త‌వుతుంద‌ని స‌మాచారం.