ఇదే మొదటిసారి అంటున్న చెర్రీ!!

రామ్ చరణ్ ప్రస్తుతం ధృవ షూటింగ్ లో తెగ బిజీగా ఉన్నాడు. హైద్రాబాద్ లో విపరీతంగా వానలు పడుతూ.. షూటింగ్ కి ఇబ్బందులు కలిగిస్తున్నా.. వర్షాలను ఏ మాత్రం లెక్క చేయకుండా షూటింగ్ ఫినిష్ చేస్తున్నాడు చెర్రీ. ధృవ రిలీజ్ ను షెడ్యూల్ చేసిన మరో రెండు నెలల్లో విడుదల కానుండడంతో.. బోలెడన్ని అప్ డేట్స్.. అంతకు మించి హైలైట్స్ బయటకొస్తున్నాయి.

ఈ యాక్షన్ మూవీ కోసం హైద్రాబాద్ లోని అనేక లోకేషన్స్ ని కవర్ చేస్తుండగా.. తాజాగా చార్మినార్ ప్రాంతంలో చిత్రీకరించారు. ఈ సమయంలో చార్మినార్ పైకెక్కి కూడా కొన్ని సీన్స్ తీశారట. 'ఓల్డ్ సిటిలో షూటింగ్. మొదటిసారిగా చార్మినార్ ఎక్కాను. అద్భుతమైన వ్యూ' అంటూ ఫేస్ బుక్ లో పోస్ట్ చేశాడు చరణ్. అంతే కాదు.. తను చార్మినార్ ఎక్కుతున్న వీడియోను కూడా నెట్ లో పెట్టాడు చెర్రీ.

ఒకవైపు షూటింగ్ పార్ట్ సంగతి ఇలా ఉంటే.. మరోవైపు ధృవలో ఫైట్స్ కోసం ఫైట్ మాస్టర్ రవి వర్మను తీసుకున్నారని తెలుస్తోంది. ఈ కన్నడ ఫైట్ మాస్టర్. ఇప్పుడు బాలీవుడ్ లో టాప్ స్టార్స్ అందరితోను సినిమాలు చేస్తున్నాడు. షారూక్ ఖాన్ హ్యాపీ న్యూయర్.. సల్మాన్ జై హో చిత్రాలకు ఇతనే ఫైట్స్ ను కొరియోగ్రాఫ్ చేశాడు. ధృవ కోసం దర్శకుడు సురేందర్ రెడ్డి చాలా హైలైట్స్ నే సిద్ధం చేసేస్తున్నాడు. రిలీజ్ లోపు ఇంకెన్ని హైలైట్స్ వినిపిస్తారో?