ఖైదీ నెం 150.. చరణ్‌ కు పెద్ద ప్లస్

ఇప్పుడు హాట్ టాపిక్స్ అంటే మాత్రం.. ధృవ రిలీజ్.. ఆ తరువాత సంక్రాంతికి వస్తున్న చిరంజీవి అండ్ బాలయ్యల చిత్రాలే. అవి రెండూ కూడా ఐకానిక్ 150 అండ 100వ సినిమాలు కావడం ఇంకా పెద్ద విశేషం. అయితే డాడ్ ఖైదీగా వస్తున్న సమయంలో.. కొడుకు చరణ్‌ పోలీసుగా కాస్త ముందే అలరించనున్నాడు. ఇక్కడ ఇంకొక థ్రిల్ కూడా ఉందండోయ్.

డిసెంబర్ 9న ''ధృవ'' సినిమా ధియేటర్లలోకి వచ్చే సమయానికి.. కరక్టుగా ఆ సినిమాతో పాటు మెగాస్టార్ చిరంజీవి 150వ సినిమా టీజర్ను కూడా జతపరుస్తున్నారని నిన్న రామ్ చరణ్‌ అఫీషియల్ గా ప్రకటించేశాడు. అంటే ఇక ధృవ ధియేటర్లలో మెగా పండగ మొదలైనట్టేగా. పైగా ఇలా చిరంజీవి టీజర్ ను ఎటాచ్ చేయడం వలన.. ఎలాగైతే బ్రూస్ లీ సినిమాకు భారీ ఓపెనింగులు వచ్చాయో.. ఈ సినిమాకు కూడా మెగాస్టార్ ను ఒకసారి తెరపై చూద్దాం అని వచ్చేవారి సంఖ్యతో విడుదల వీకెండ్లో కలక్షన్లు భారీగా పెరిగే ఛాన్సుంది.

ఇక్కడ అన్నింటికంటే ముఖ్యమైన విషయం ఏంటంటే.. వరుసగా నాన్ స్టెప్ మెగా ఎంటర్టయిన్మంట్ ఇవ్వడానికి మరోసారి మెగా ఫ్యామిలీ రెడీ అవుతోంది. ధృవ.. ఖైదీ నెం 150.. విన్నర్.. మిస్టర్.. డిజె దువ్వాడ జగన్నాథమ్.. ఫిదా.. ఇలా వరుసగా మెగా లైనప్ అంతా రిలీజ్ కు రెడీ అయిపోతోంది మరి. గెట్ రెడీ

Like Us on Facebook : https://www.facebook.com/Tupakidotcom/