ఫ్లూట్ స్టెప్ నాకస్సలు నచ్చలేదు

రామ్ చరణ్.. డైరెక్టర్ శ్రీను వైట్ల కాంబినేషన్ లో రూపొందిన బ్రూస్ లీ రిలీజ్ కు ఇంకా కొన్ని గంటల సమయమే ఉంది. ఇప్పటికే బ్రూస్ లీ కి టాక్ ఆఫ్ ది టాలీవుడ్ కాగా.. అభిమానుల్లోనూ, ప్రేక్షకుల్లోనూ ఆసక్తి రెట్టింపవుతోంది. ఈ సమయంలో ఓ ఇంట్రెస్టింగ్ విషయం వెల్లడించారు రామ్ చరణ్. ఈ మూవీకి సంబంధించి లేచలో సాంగ్ లో చెర్రీ వేసిన ఫ్లూట్ స్టెప్.. ఫ్యాన్స్ ని కేకలు పెట్టిస్తోంది. ఇలాంటి స్టెప్స్ చెర్రీ తప్ప ఎవరూ వేయలేరనే టాక్ కూడా తెచ్చుకుంది.

అయితే.. అసలీ మూమెంట్ కానీ, స్టెప్ కానీ చరణ్ కి ఏ మాత్రం నచ్చలేదట. వద్దు వేరే స్టెప్ కంపోజ్ చేయమని డ్యాన్స్ డైరెక్టర్ కి చెప్పాడట. కానీ కొరియోగ్రాఫర్ శోభి మాస్టర్ మాత్రం.. బలవంతాన ఒప్పించేందుకు ట్రై చేశారట. అయినా ఒప్పుకోకపోవడంతో శ్రీను వైట్ల రంగంలోకి దిగి.. చెర్రీ ని కన్విన్స్ చేశారట. చివరకు మొహమాటానికి ఒప్పుకుని ఈ స్టెప్ వేస్తే.. ఇప్పుడు ఫ్యాన్స్ నుంచి ఫ్లూట్ స్టెప్ కు ఇంత అప్లాజ్ రావడం ఆశ్చరపరచిందట చెర్రీని. అసలు బ్రూస్ లీ మూవీ ప్రమోషన్ లో భాగంగా మొదట రిలీజైన సాంగ్ లే ఛలే మేకింగ్.

అందులో చెర్రీ వేసిన ఫ్లూట్ స్టెప్ అఫ్పటి నుంచే పాపులర్ అయిపోయింది. తాను వద్దనుకున్న మాటకు కట్టుబడి.. ఈ స్టెప్ వదిలేసి ఉంటే.. ఫ్యాన్స్ అలరించే ఓ మంచి డ్యాన్స్ మూమెంట్ మిస్ అయుండే వాడిని అంటున్నాడు మెగాపవర్ స్టార్ రామ్ చరణ్. చెర్రీ ఫ్లూట్ వాయింపుడికి... రకుల్ అందాలు తోడైతే ఎలా ఉంటుందో.. రేపు థియేటర్లలో చూడాల్సిందే.