నా ఫేవరేట్ మాస్ రాజా ఫామ్ లోకి వచ్చాడు: రాంచరణ్

టాలీవుడ్ మాస్ రాజా రవితేజ నటించిన ‘క్రాక్’ మూవీ సంక్రాంతి సందర్బంగా థియేటర్లలో విడుదలై మంచి రెస్పాన్స్ తో దూసుకెళుతోంది. జనవరి 9న విడుదలైన క్రాక్.. పవర్ ఫుల్ పోలీస్ నేపథ్యంలో తెరకెక్కి ప్రేక్షకుల అంచనాలను అందుకుందని అనిపిస్తుంది. క్రాక్ సినిమా మేకర్స్ విడుదలకు ముందే అన్ని రకాల ప్రమోషన్లతో ప్రేక్షకులలో ఆసక్తి పెంచేసారు. అటు ఆడియో పరంగా ఇటు థియేట్రికల్ ట్రైలర్ పరంగా క్రాక్ ఫుల్ పాజిటివ్ బజ్ క్రియేట్ చేసుకుంది. అదే అంచనాలతో విడుదలై మంచి విజయం తన ఖాతాలో వేసుకుంది. కానీ తెలుగు రాష్ట్రాల థియేటర్లలో యాభై శాతం సీటింగ్ అనేది మాత్రం క్రాక్ సినిమాకు బిగ్ మైనస్ గా నిలిచింది. ఫస్ట్ డే నుండి పాజిటివ్ వైబ్ తో వసూళ్ల పరంగా కనకవర్షం కురిపిస్తోంది క్రాక్. మొదట్లో ప్రీమియర్ షోతో పాటు ఫస్ట్ డే షూటింగ్ నిలిచిపోవడంతో అభిమానులు తీవ్రనిరాశకు గురయ్యారు.

మాస్ రాజా అభిమానులు మార్నింగ్ నుండి నైట్ సెకండ్ షో పడేవరకు వెయిట్ చేసి సినిమాను సూపర్ హిట్ చేశారు. చివరిగా క్రాక్ సినిమా హిట్ టాక్ తెచ్చుకుంది. అటు క్రిటిక్స్ నుండి ఇటు ఆడియన్స్ నుండి మంచి స్పందన తెచ్చుకొని వసూళ్లపరంగా దూసుకెళ్తుందని సమాచారం. అయితే ఈ సినిమా సగం సీటింగ్ లో కూడా బెస్ట్ గానే వసూల్ చేస్తోందని చెప్పవచ్చు. అయితే క్రాక్ విడుదలైనప్పటి నుండి సినిమాకు, కాస్ట్ అండ్ క్రూ మొత్తానికి ఇండస్ట్రీ నుండి అభినందనలు లభిస్తున్నాయి. ఇండస్ట్రీకి చెందిన చాలామంది పెద్దలు, హీరోలు ఈ సినిమాను, టెక్నీషియన్లను పొగుడుతున్నారు. తాజాగా మెగాపవర్ స్టార్ రాంచరణ్ సినిమా చూసి ట్విట్టర్ వేదికగా క్రాక్ టీమ్ కు శుభాకాంక్షలు తెలిపాడు. 'నా ఫేవరేట్ రవితేజ క్రాక్ తో ఫామ్ లోకి వచ్చేసాడు. శృతిహాసన్ తన బెస్ట్ ఇచ్చింది. సముద్రఖని, వరలక్ష్మిలు గొప్పగా నటించారు. ఇక తమన్ నేపథ్యసంగీతం సినిమాను మరో స్టేజికి తీసుకెళ్ళింది. డైరెక్టర్ గోపీచంద్ వర్క్ టాప్ లెవెల్ లో ఉంది' అంటూ అభినందించాడు రాంచరణ్. ప్రస్తుతం క్రాక్ టీమ్ సక్సెస్ ని ఎంజాయ్ చేస్తుంది.