చెర్రీ అంత సేపు ఉండడా ?

మెగా ఫాన్స్ తో పాటు మాస్ ప్రేక్షకులు ఎదురు చూస్తున్న వినయ విధేయ రామకు రంగం సిద్ధమవుతోంది. కొన్ని థియేటర్లలో ఆన్ లైన్ బుకింగ్ కూడా మొదలుపెట్టేసారు. థియేటర్ల కేటాయింపు అన్ని సంక్రాంతి సినిమాలకు దాదాపు పూర్తయినట్టే కాబట్టి ఇక పర్సులు రెడీ చేసుకువడమే తరువాయి. దేని హైప్ దానికి ప్రత్యేకంగా ఉన్నా ఇలాంటి సీజన్లో బాగా వర్క్ అవుట్ అయ్యే మాస్ మసాలాలు వినయ విధేయ రామలోనే ఎక్కువగా ఉండటంతో అందరి దృష్టి దీని మీదే ఉంది.. పైగా రామ్ చరణ్ కు ఇండస్ట్రీ హిట్ తర్వాత వస్తున్న మూవీ కాబట్టి అంచనాలను కొలవడం కష్టమే.

అయితే దీనికి సంబంధించిన పలు ఆసక్తికర వార్తలు ఫాన్స్ లో కుతూహలం రేపుతున్నాయి. వాటి ప్రకారం చరణ్ ఇందులో సినిమా మొత్తంగా ఓ 20 నిమిషాల పాటు కనిపించడట. అంటే కీలకమైన ఫ్లాష్ బ్యాక్ లో చిన్ననాటి సీన్స్ తో పాటు విలన్ తో ఫామిలీ క్లాష్ ఎలా వచ్చింది అనే ఎపిసోడ్ ఉంటుందట. అయితే చరణ్ లాంటి హీరోని అంతసేపు కనిపించనివ్వకుండా బోయపాటి ఎలా మేనేజ్ చేసాడు అనేది సస్పెన్స్.

ఎందుకంటే సినిమా వచ్చిందే రెండున్నర గంటలు. అందులో ఇరవై నిముషాలు పోను రెండు వ్యవధిలో పాటలతో కలిపి చరణ్ మాస్ హీరోయిజంని ఫుల్ గా ఎలివేట్ చేసుండాలి. ఇలాంటి వాటిలో బోయపాటి ఎక్స్ పర్ట్. బెల్లంకొండ హీరోతోనే హంసల దీవి ఎపిసోడ్ తో గూస్ బంప్స్ ఇప్పించాడు. అలాంటిది చరణ్ లాంటి మెగా పవర్ స్టార్ దొరికితే వదులుతాడా. అందుకే అభిమానులు దీని పట్ల చాలా ఎగ్జైటింగ్ గా ఉన్నారు