ఈ నాటీ యాంగిల్ ఎక్కడిది చెర్రీ?

మామూలుగా అందరూ రామ్ చరణ్‌ అంటే ఒక సీరియస్ గయ్ అనుకునేవారు. అది ఒకప్పుడు. అప్పట్లో మీడియాతో కూడా కాస్త ముభావంగానే ఉండేవాడు ఈ మెగా హీరో. కాని ఇప్పుడు నిజమైన ట్రూ బ్లూ స్టార్ గా ఎదుగుతున్న తరుణంలో.. చెర్రీ పద్దతులే మారిపోతున్నాయ్. ఒక షారూఖ్‌ ఖాన్ తరహాలో తన ఆడియన్స్ ను ఎంటర్టయిన్ చేస్తున్నాడు.

నిన్న మనోడు ఫేస్ బుక్ ఆఫీసులో ఇచ్చిన ఇంటర్యూ పరిశిలిస్తే.. అసలు రామ్ చరణ్‌ ప్లానింగ్ ఎలా ఉందో అర్దమవుతోంది. ఒక స్టార్ తెలుగు హీరో ఇప్పటివరకు ఫేస్ బుక్ ఆఫీస్ కు వెళ్లడం ఇదే ప్రప్రథమం. అదే కొత్త విషయం అనుకుంటే.. చరణ్‌ డైరెక్టుగా ప్రసాద్ ఐమ్యాక్స్ వంటి ధియేటర్లకు ఫోన్ చేసి బుక్కింగ్స్ గురించి తెలుసుకుంటాననే విషయం రివీల్ చేయడం నిజంగానే సర్పరైజింగ్ గా ఉంది.

ఈ సందర్భంగా మనోడు డాడ్ చిరంజీవిపై కూడా జోకులు పేల్చాడు. ''ఇంట్లో ఉన్నప్పుడు నేను నా ఫోన్ తో బిజీగా ఉంటే.. డాడ్ తన స్మార్ట్ ఫోన్ తో తాను బిజీగా ఉంటారు. నాన్నగారిని ఫేస్ బుక్ అండ్ ఇనస్టాగ్రామ్ వాడమంటే వాడరు కాని.. ఎక్కవగా స్మార్ట్ ఫోన్ వాడుతున్నారు. లేదంటే మా నాన్న గారు ఆల్రెడీ ఫేస్ బుక్కులోనే ఉండి ఉంటారు.. నాకు చెప్పట్లేదు. వేరే ఏదైనా పోటో పెట్టేసి వాడుకుంటున్నారేమో!!??'' అంటూ అందరినీ నవ్వుల్లోకి పూయించేశాడు. ఇకపోతే ''రివెంజ్ తో సినిమాల్లోకి తిరిగి రావట్లేదు చిరంజీవి.. ప్యాషన్ తో వస్తున్నారు'' అంటూ హాట్ కామెంట్లు కూడా చేశాడు.

అలాగే నాటీగా మాట్లాడుతూ.. ''గోవిందుడు అందరివాడేలే సినిమాలో ఇంత బ్యూటిఫుల్ గా లేవు కాజల్.. ఇప్పుడేంటి.. డాడ్ కోసం.. ఇలా?? నేనే ప్రొడ్యూసర్ కాబట్టి హ్యాపీగా ఉన్నాను. లేకపోతేనా..'' అని ఆమెకు చెప్పానని అంటున్నాడు చరణ్‌. అలాగే అక్కడ చరణ్‌ ను హోస్ట్ చేసిన అమ్మాయితో జగదేకవీరుడు రీమేక్ చేస్తే అందులో నువ్వు హీరోయిన్ గా ట్రై చేయొచ్చు అన్నావు.

ఇవన్నీ చూస్తే ఒక్కటే ప్రశ్న అడగాలని అనిపిస్తోంది.. అసలు నీలో ఈ నాటీ యాంగిల్ ఎక్కడిది చెర్రీ??

Like Us on Facebook : https://www.facebook.com/Tupakidotcom/