జనవరి 4న రండి.. సెలబ్రేట్ చేద్దాం

మెగాస్టార్ మెగా మూవీ ఖైదీ నంబర్ 150 ఆడియో సెన్సేషన్స్ కంటిన్యూ అవుతూనే ఉన్నాయి. అయితే.. ఈ సినిమాకి ఆడియో రిలీజ్ ఫంక్షన్ జరపకుండా.. నేరుగా యూట్యూబ్ లో రిలీజ్ చేసేస్తున్నారు. అందుకే ప్రీరిలీజ్ ఈవెంట్ నిర్వహిస్తారని అంచనాలున్నా.. దానిపై ఇప్పుడు చెర్రీ అఫీషియల్ అనౌన్స్ మెంట్ ఇచ్చేశాడు.

'అందరికీ హాయ్.. నేను ఈ వీడియో ముందే ఇవ్వాల్సి ఉంది. ఏం మాట్లాడినా మీరు వినేటట్లు లేరు. ఒకటే విషయం గురించి మీరు వెయిట్ చేస్తున్నారని నాకు అర్ధమైంది. అది నాన్నగారి 150వ సినిమా ఖైదీ నెంబర్ 150 ప్రీరిలీజ్ ఈవెంట్.. మీరు అనుకున్నట్లు గ్రాండ్ గా విజయవాడలో జరగబోతోంది. జనవరి 4న ఇందిరాగాంధీ మున్సిపల్ స్టేడియంలో గ్రాండ్ మేం సెలబ్రేట్ చేయబోతున్నాం. దానికి మీరందరూ రావాలి. తిరిగి మీ అన్నయ్యని మీ బాస్ ని.. తిరిగి ఇండస్ట్రీలో రీ ఎంట్రీ అంటారో లేకపోతే ఇంకేదైనా సరే మీ ఇష్టం. తిరిగి ఇండస్ట్రీలోకి ఇన్వైట్ చేద్దాం. ఆ పాత రోజుల్లో మిమ్మల్ని ఎలా అలరించారో ఇప్పుడు ఖైదీ నెంబర్ 150తో మొదలుపెట్టి ఇంకా ఎన్నో సినిమాలు చేయబోతున్నారు. జనవరి 4న ఖచ్చితంగా రండి. అందరం సెలబ్రేట్ చేద్దాం. పాత సంవత్సరానికి ముగింపు పలికేసి కొత్త సంవత్సరాన్ని కొత్తగా ఆహ్వానిద్దాం. మిమ్మల్ని అక్కడ చూసేందుకు ఎదురుచూస్తుంటాం' అంటూ ఆహ్వానం పలికాడు రామ్ చరణ్.

అల్లు అర్జున్ సరైనోడు నుంచి మొదలుపెట్టి మెగా క్యాంప్ ఆడియో ఫంక్షన్ కు బదులుగా ఇలా ప్రీ రిలీజ్ ఈవెంట్స్ ను నిర్వహిస్తోంది. ధృవకు కూడా ఇలాగే జరపగా.. ఇప్పుడు ఖైదీ నంబర్ 150కి కూడా అదే ట్రెండ్ ఫాలో చేయడం విశేషం.

Like Us on Facebook : https://www.facebook.com/Tupakidotcom/