తెలంగాణ పోలీసులతో చేయికలిపిన చెర్రీ

మెగా పవర్ స్టార్ రామ్ చరణ్ మహిళా భద్రతపై ప్రజల్లో అవగాహన కల్పించడానికి ముందుకు వచ్చాడు. తెలంగాణ పోలీసులు మహిళా భద్రతపై అవగాహన కల్పించడానికి హైదరాబాద్ లోని పలు ప్రాంతాల్లో పలు కార్యక్రమాలు నిర్వహిస్తుండగా.. చెర్రీ ఈ కార్యక్రమాల్లో భాగస్వామి కానున్నారు. మహిళల భద్రత - సాధికారత విషయంలో ప్రజల్లో చైతన్యం పెంచేలా స్ఫూర్తి పెంచే లక్ష్యంతో చరణ్ ఇందులో భాగస్వామి అవుతున్నారు.

అందులో భాగంగానే దాదాపు 2000 మందితో పీపుల్స్ ప్లాజా వద్ద పోలీసుల ఆధ్వర్యంలో నిర్వహిస్తున్న సెల్ఫ్ డిఫెన్స్ వర్క్ షాప్ లో రామ్ చరణ్ పాల్గొననున్నాడు. కాగా సురేందర్ రెడ్డి దర్శకత్వంలో తెరకెక్కుతున్న తనిఒరువన్ రీమేక్ లో రామ్ చరణ్ ప్రస్తుతం నటిస్తున్నాడు. షూటింగులో బిజీగా ఉన్నప్పటికీ చరణ్ ఇలా సామాజిక సేవా కార్యక్రమాలకు సమయం కేటాయించడంపై తెలంగాణ పోలీసు వర్గాలు సంతోషం ప్రకటించాయి.